استفسار من أصحاب الميجان
 

السلام عليكم ورحمة الله وبركاته......
لو سمحتم ياشباب انا والدي معاه رينو ميجان 2006 مانيوال في السعوديه وهو شحنها ليا والمفروض هستلمها لما توصل بالسلامه ان شاء الله وكنت عايز أسأل على شوية حاجات كده ياريت تيفيدوني.....
1- حد عنده فكره الجمارك بتاعتها هتبقى في حدود كام؟؟
2-العربيه والدي بيحطلها هناك بنزين 95 طبعا البنزين في السعوديه مش غالي زي هنا..فهل هنا لازم احطلها 95 برضو ولا ممكن 92 وميحصلهاش مشاكل وتمشي عادي؟؟لأن كده هتبقى مكلفه جدا في بنزينها
3-قبل مايشحنها على طول كان الشباك ال ورا السواق علق ومعدش بيتحرك وهو ملحقش يظبطه هناك وقالي لما تجيلك العربيه ابقى حاول تصلحه فهل دي حاجه بسيطه ولا كبيره؟وهتكلف في حدود كام؟وتتعمل فين؟علما ان انا من المنصوره لو في حد يعملها هنا بدل السفر يبقى أحسن
.............. وشكرا ليكم مقدما

رد: استفسار من أصحاب الميجان
 

ايه ياجماعه 40 مشاهده ومفيش ولا رد!!!!!!!!الناس نايمه ولا ايه؟؟؟!!!

رد: استفسار من أصحاب الميجان
 

بالنسبه للجمارك معرفش بصراحه
اما موضوع البنزين فعادي تحطلها 92 مفيش مشكله
اما الزجاج الخلفي كلام فاضي متقلقش اقصي حاجه هتشتري مكنه زجاج وممكن يكون عاوز يتنظف وممكن تكون عاوزه تتحط علي الجهاز عشان يقراه لان الميجان بتنزل وتطلع الزجاج من الكارت وساعات بيفصل من علي الكمبيوتر نفسه وعامه انا من القاهره وعندنا في كذا حد ممتاز ومبيشتغلش غير في الرينو وكانت معايا نفس الموديل بتاعك بس اوتو بانوراما وبعتها من فتره ومتخليش اي حد يشتغل في العربيه دي بالذات اسمع الكلام عشان متبهدلكش

رد: استفسار من أصحاب الميجان
 

الف شكر ليك ياأستاذ تامر ربنا يجازيك خير