عايز اعرف تفاصيل استيراد سيارة معاقين من الخارج
 

انا عندى استفسارات معلش استحملونى
انا عندى سيارة معاقين بس خلصت الخمس سنين الاسبوع ده انا عايز اعرف الاول لما الاعمل الاجراءات يكون عدى على السيارة 5 سنوات من تاريخ الشراء ولا الترخيص علشان انا رخصتها بعديها بفترة شوية فا ياريت الى يعرف يقولى.
وعايز اعرف ايه اجراءات استيراد سيارة من امريكا سعر الشحن تقريبا وهتكلف لما تيجى مصر ؟
وايه الى انا مفروض اعمله علشان متبيتش كتير وادفع ارضية كتير ؟
وبالمرة ياريت عايز اعرف الاسعار حاليا فى بورسعيد العربيات بحدود 30-35 الف ومدلها كام
وشكرا

رد: عايز اعرف تفاصيل استيراد سيارة معاقين من الخارج
 

اهلاً بيك يا زعيم فى مصر موتورز
انصحك بمراجعة موضوعات المنتدى واستخدام البحث لمراجعة الموضوعات الخاصة بسيارات المعاقين واستيراد السيارات من الخارج وهتلاقى فيها تفاصيل كتير واجابات لكتي رمن اسئلتك

رد: عايز اعرف تفاصيل استيراد سيارة معاقين من الخارج
 

كيفية استيراد سيارة معاقين من السعودية و الاجراءت التبعة فى مصر و فى السعودية

رد: عايز اعرف تفاصيل استيراد سيارة معاقين من الخارج
 

تحسب الخمس سنوات من تاريخ الافراج الجمركى عن السيارة من الجمرك ( تاريخ الشراء). راجع صورة الافراج الجمركى معاك هتجد التاريخ

2- إستيراد سيارة من امريكا يلزمها ان يكون لكن احد هناك فى امريكا يعاين ويدفع لك ويشحن لك على الرغم من ان فى معارض كثيرة تبيع السيارات المستعملة فى امريكا ممكن تقوم بعملية تخليص الورق ليك والشحن ولكن هتأخد مبلغ منك.

3- الشحن من امريكا هيكلف شويتين لان امريكا اولا بعيدة عن مصر وحركة السفن من وإلى امريكا ليست بنفس كثافة دول الخليج. كنت ارشح لك استيراد من دول الخليج لان اقرب وبتكون إمكانياتها عالية...

4- خلى بالك لان السيارات فى امريكا بتكون اعلى من 2000 سى سى مش منتشر العربيات 1600 كثيرة هناك فالبحث بيكون صعب وبالاخص لو هتجيب عربية حديثة فوق 2006 مثلا

5- علشان تسرع الاجراءات ابحث عن مخلص جمركى فى اسكندرية ( الميناء الاقرب لامركيا) هيأخد منك حوالى 2000 جنية ويخلص لك الورق بأسرع مما يمكن..

6- العربية المستوردة من الخارج بنفسك مش هتفرق كثير عن الثمن الموجود فى بورسعيد ولكن الفرق ان العربية هتكون افضل من حيث الحالة وهتكون ضامنها لان برة العربية بيقول لك كل اللى فيها والثمن بيكون على حسب الحالة وليس هناك غش كما هو الحال فى مصر....

7- 35 الف يجيبوا لك نوبيرا 2 وهو معقولة موديل سنة 2000 او اقل....الاسعار غليت قوى عن اخر مرة رحت فيها بورسعيد......