يا جماعة برج من عقلي طار والتاني بيشاور نفسه الحقوه قبل ميطير من المخالفات الجزافية
 

انا رحت النهارده اجدد رخصة السيارة ال أنا شاريها زيرو من سنة المصيبة إني طلعت شهادة المخالفات لقيت تسع مخالفات كلها في العامرية الاسكندرية ، ومفيش ولا مخالفة بره العامرية ، مع اني في تواريخ كتير معدتش على العامرية اصلا فيها ، من ضمنهم يوم فرحي ، عاملنلي مخالفه .
المصيبة إن مجموع المخالفات 7600 جنيه ، ما بين تحدث في التليفون المحمول والوقوف في الممنوع
واتنين سير في عكس الاتجاه وعمري معملتها . واحده ب 1000 والتانيه ب 2000
وكسر إشارة ضوئية ب 1000 جنيه ( عمرك شفت إشاره ضوئية أصلا في العامرية ) ال ميعرفش العامرية أحب اقوله انها من اولها لآخرها مفيهاش اشارة ضوئية واحدة
وعاملينلي سرعة ب 1000 جنيه برضه في العامرية
بصراحة انا مش عارف اعمل ايه غير اني اضحك واقول يا عجبي
قالولي اعمل معارضه فكركم المعارضة هتنزل المخالفات دي فعلا ؟؟؟
وهتنزل لكام مش عارف ؟
يا ريت ال يعرف اي حل او إجراء للظلم ده يقول اعمل ايه ربنا يكرمكم .

رد: يا جماعة برج من عقلي طار والتاني بيشاور نفسه الحقوه قبل ميطير من المخالفات الجزافية
 

ياباشا بتنزل انا كان عليا 4500 جم نزلتهم ل850 جم بالتظبيط بتنزل كلم حد تعرفه شغال هناك او اى واسطة وشوف

رد: يا جماعة برج من عقلي طار والتاني بيشاور نفسه الحقوه قبل ميطير من المخالفات الجزافية
 

والله انا عارف العامرية كويس بس كلامك دة غريب جدا لان مفيش حاجة اسمها اشارة هناك لسة ما وصلتش المنطقة دى بس ممكن يكون فية ظابط حبيبك عملت معاة موقف مزعلة حب يخدمك
انا حصلت معايا دوست على رجل ظابط فى اشاره ادانى مخالفات ب 8000 سنة 1995 بس عملت معارضة ومدفعتش ولا مليم

رد: يا جماعة برج من عقلي طار والتاني بيشاور نفسه الحقوه قبل ميطير من المخالفات الجزافية
 

اظن ياجماعة دلوقتى بقا موضوع العرضة دة فى ايد النائب العام مفيش دلوقتى حاجة اسمها تظلمات لان المخالفات معظمها كمبيوتر
والله اعلم

رد: يا جماعة برج من عقلي طار والتاني بيشاور نفسه الحقوه قبل ميطير من المخالفات الجزافية
 

والله يا جماعه ربنا يستر أنا هروح أعمل معارضه ولما أشوف إيه ال هيتم لأني عمال أسمع كلام عن القوانين والقرارات الجديده وإنها مبتنزلش المخالفات
وربنا يستر .