أيه الفرق بين الدايو لانوس والدايو نوبيرا وايهما أفضل
 

السلام عليكم ورحمة الله وبركاته
لو سمحتم حد يفيدنى " انا عاوز اشترى عربية مستعملة من فئة الدايو بس محتار اشترى دايو لانوس ولا دايو نوبيرا لانى معرفش فيهم أوى فياريت حد يفيدنى أى نوع فيهم احلى والفرق بينهم ايه "
ولكم جزيل الشكر

رد: أيه الفرق بين الدايو لانوس والدايو نوبيرا وايهما أفضل
 

حبيبي انا مش خبير اوي في العربيات بس انا هاقوللك الي مريت بيه وانت تقرر

اولا انا كنت في نفس الحيرة بس الحمد لله من خلال متابعتي هنا قدرت احدد انا عايز اجيب ايه

والحمد لله لسه جايب عربيه لانوس اول امبارح بس ده اختياري انا علي حسب الي انا عايزة من

العربيه

من خلال قرائتي هنا في المنتدي قدرت اجمع بعض الفروقات بين العربيتين

اولا من حيث استهلاك البنزين لانوس استهلاك اقل من نوبيرا

من حيث الشكل دي راحه شخصيه لحضرتك

من حيث القوة نوبيرا اقوي من لانوس في المشي والثبات

من حيث الفخامه نوبيرا تكسب

من حيث قطع الغيار الاتنين زي بعض تقريبا مافيش فرق كبير

من حيث سعر الشراء دي علي حسب حاله العربيه والاتنين مقاربين لبعض

من حيث العفشه لانوس ماسكه نفسها عن النوبيرا شويه لان النوبيرا اكبر واتقل فعفشتها

بتحتاج اهتمام اكتر شويه

من حيث اعاده البيع لانوس تكسب بمراحل لان النوبيرا تقيله شويه في البيع

فحضرتك حدد انت محتاج العربيه في ايه يعني لو حضرتك مثلا مشاويرك كتير ووسط البلد

لانوس احسن خارج البلد الي حضرتك فيها نوبيرا اريح من لانوس في السفر

صاحب اسرة كبيرة تبقي نوبيرا لو اسرة صغيرة يبقي لانوس

دي الي عرفته من المنتدا هنا وعليك انك تقرر انت محتاج العربيه لاي غرض

وانشاء الله موفق في الاختيار وماتستعجلش واتقني وانت بتشتري وربنا يوفئك

رد: أيه الفرق بين الدايو لانوس والدايو نوبيرا وايهما أفضل
 

رد: أيه الفرق بين الدايو لانوس والدايو نوبيرا وايهما أفضل
 

:GROWIN~12: تسلم ايــدك

رد: أيه الفرق بين الدايو لانوس والدايو نوبيرا وايهما أفضل
 

بصراحه ولا ابلغ