مصر موتورز مجتمع السيارات - خلاصة الكلام فى ظبط فيشة الاوكتان ( بالصور )

اقتباس:

المشاركة الأصلية كتبت بواسطة benjamin (المشاركة 1008651)

سؤال بس , يعني ايه ال اديل ليرن ؟؟؟

الايدل ليرن تقريبا مالوش لازمة الا فى حالات نادرة
لان لو البطارية اتفصلت لمدة تزيد عن عشرة ثوانى فبيتمسح من كميوتر العربية خطوات التعامل مع صمام ضبط هواء السلانسيه IDLE AIR CONTROL VALVE
لان كميوتر العربية هو الى بيحدد حركات الصمام (تقريبا حاجة و خمسين وضع للصمام) بناءا على الاتى
1- درجة حرارة المياه الصمام بيقفل او يفتح خطو خطوة من خلال الكمبيوتر الى بيعرف من خلال الثرموستات الكهرباء الى راكب على يمين البلوك تحت الكويل اللى بيدى الكنترول درجة حرارة سائل التبريد
2- لو شغلت التكييف المفروض لو مافيش تحكم فى الصمام ده العربية حتبطل على السلانسيه لكن الكميوتر لما يحس ان التكييف اشتغل (من خلال حساس ضغط الفريون) علاطول يحرك الصمام علشان يحافظ على RPM السلانسيه و العربية متبطلش
3- اثناء التغيير ما بين النقلات ( يعنى لما تدوس دبرياج و تشيل رجلك من على البنزين ) الصمام ده بيحافظ على الRPM انها متقلش علشان العربية متبطلش
4- التوقف السريع تلاقى برضه الصمام ده معلى ال
RPM شوية يديك فرصة لو حتمشى تانى تبقى سهل تطلع و لو طولت شوية فى الوقوف بيرجع ال RPM طبيعى تانى
5- و يمكن ليه حاجات تانية انا مش عارفها دلوقتى

المهم الطبيعى ان الكمبيوتر عارف يحرك الصمام ازاى
فلما بتفصل البطارية و تيجى توصلها تانى بعد مدة (10 ثوانى فاكثر) الكميوتر بينسى كل حاجة عن التحكم فى الصمام ده
فتعمل الخطوات دى علشان يتعلم IDLE LEARN
بس ممكن تمشى بالعربية من غير ما تعملها و تلاقى العربية مبرجسة كام يوم (او اقل من يوم لو مشييت و بطلت كتير) و تظبط لوحدها بعد كدة (يعنى بالبلدى اتعلمت لوحدها من تجارب الحياة من غير ما حد يعلمها)
و الى عايزها ما تبرجس معاه الكام مرة دول يعلمها هوا بالطريقة دى
و فى النهاية مفيش ضرر من عدم عملها

و انا ياما ظبطت معايا من غيره و نادرا اضطريت اعمله