مصر موتورز مجتمع السيارات - حقائق عن سيارات المعاقين

مصر موتورز مجتمع السيارات (https://www.masrmotors.com/vb/index.php)

- جمارك السيارات (https://www.masrmotors.com/vb/forumdisplay.php?f=140)

- - حقائق عن سيارات المعاقين (https://www.masrmotors.com/vb/showthread.php?t=863)

رد: حقائق عن سيارات المعاقين

اقتباس:

المشاركة الأصلية كتبت بواسطة MosTafaFox (المشاركة 1660)

والله يا استاذ بايو كلام حضرتك واللى بسمعة من زمايلى فى الشغل بيحسس الواحد انها رحلة من رحلات السندباد السبعة ويا ريت مضمونة كمان

والله زمايلك ناس بتفهم بس نسيوا يقولولك أنك محتاج مع إمكانيات "السندباد"
صبر "أيوب"
وقدرة سيدنا"سليمان" عشان تعرف تتكلم مع البشر إللي هاتشوفهم إللي مايعرفوش غير لغة الفلوس
وقوة "شمشون" عشان تقدر تتحمل المشاوير إللي مابتخلصش
ومال "قارون" عشان تدفعه في تمشية الحال

اقتباس:

بس انا كنت عايز افهم برضوا الموضوع ببساطة يعنى لو الواحد عايز يجيب عربية صغيرة جولف تسيعنات مثلا بولو 2000 وانت طالع يعنى حاجة فى رينج ال 50 - 60 الف كلة على بعضة شامل كل الاجراءات ممكن ولا الموضوع لازم عربية كبيرة

الموضوع ماينفعش يتقال ببساطة لانه مش بسيط أساسا

بس أنا هجاوب على سؤالك من خلال رحلتي إللي أستغرقت حوالي أربعة شهور عشان أجيب العربية دي

اولا أي موديل موجود في المنطقة الحرة أيا كان كبير صغير يقدروا أخونا "المعوقين" انهم يشتروه بشرط واحد فقط هو ان لا تتعدى قدرة المحرك 1600cc

ثانيا ثمن السيارة
هتلاقي ثمن السيارة في المنطقة الحرة سعرها أقل من مثيلتها في سوق المستعمل المصري بحوالي 15 ألف جنيه تقريبا (وعلى فكرة التاجر بيبقى مظبط نفسه دايما على أن الفرق يكون في الحدود دي ولو تاجر مش طماع قوي هاتلاقي الفرق ممكن يصل لـ 20ألف جنيه)

واخوانا المعوقين يقدروا يشتروا العربيات دي من المناطق الحرية (وأشهرها بورسعيد) بعد أن يكونوا قد قاموا بعدة خطوات تتطلب مدة لا تقل عن شهرين واجراءات لا تقل عن 10 خطوات في القاهرة أولا لكي يستوفوا الأوراق التي تثبت أنهم يستحقوا الحصول على السيارة من المنطقة الحرة (ودي قصة تانيه ولا في الأساطير)

وعشان أثبت لك أنك لو مش معوق مش هاتستفيد حاجه من القصة دي وهاتلاقي نفسك في الاخر خسران كمان هو أنك لازم تدفع للمعوق حوالي 7 ألاف جنيه وبعدين ترخص العربية باسمه اولا بحوالي 500 جنيه وبعدين تفك حظرها بحوالي 10 ألاف جنيه وبعدين يعملك عقد بيع في حدود 1400 جنيه وبعدين ترخصها باسمك بحوالي 500 جنيه
ولو المعوق ممعهوش رخصة سواقة خاصة يبقى مش هاتقدر تنقل العربية باسمك إلا لما تطلعله رخصة في حدود 1500 جنيه من تحت الترابيزهangryhead

ودوخيني يا لامونه :k_crying77[1]:

رد: حقائق عن سيارات المعاقين

اقتباس:

المشاركة الأصلية كتبت بواسطة Semsem999999 (المشاركة 1688)

طيب أنا عندي استفسار :-

اللي أعرفه إنك علشان تنزل عربية مصر من بره لازم تكون شاريها في موديل سنتها وتكون أول مالك ليها وطبعا تكون زيرو .

كلامك مظبوط 100%
لكن أخوانا المعاقين لهم أعفاء من هذا الشرط
أي انهم يستطيعوا أن يشتروا أي سياره ايا كان موديلها بدون شرط سنة الصناعه او شرط المالك الاول على أن لا تتدعى سعة المحرك أكثر من 1600cc

اقتباس:

المهم واحد صاحبي هنا مصري برضه قالي لو عايز تنزل الصني (أنا اشتريتها هنا مستعمله موديل 2004) مصر ممكن تنزلها معاقين !!!!!!!!!!!!!!!!! طبعا أنا ما فهمتش إزاي فلو حد يعرف إزاي ياريت يقولي .

بص بقى يا أ/أسلام
لو عاوز تدخل دايرة الأنتقام دي؟ أسمع كلام صاحبك ودور على أي حد من أخوانا المعوقين ونزل العربيه باسمه وأمشي في الأجراءات الجهنمية إللي صنعها صانع البيروقراطية المصريه العتيقه
وصدقني هاتفضل تدعي على صاحبك لحد ما درعاتك توجعك من رفعهم لربنا
ومش بعيد تكتفه في شكمان العربيه وتسحله زي "محمود المليجي" في فيلم الأرض
ولو عملت كل ده مش هاتشفي غليلك برضه
:D

اقتباس:

وبعدين أنا برضه كلن ليا تجربه في موضوع يارات المعاقين ده في مصر قبل ما جيب اللانسر زيرو على طول وكنت هجيب نوبيرا وان معاقين وبعدين بدأت فعلا في الإجراءات لكن وقفت في آخر لحظه لأني سألت نفسي سؤال واحد بس :- (طبعا الأعمار بيد الله ) والعربية المفروض تكون لفترة باسم المعاق لحد ما تفك حظرها السؤال هو هيحصل إيه بقه بعد ما اشتري العربية باسم المعاق ولا قدر الله توفي قبل ما افك حظرها وانقلها باسمي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟

في الالة ديه يعوض عليك ربنا وما تقولش إنك ناصح وواخد عليه ورق لأن الورثة مالهمش دعوه والموضوع هيخش في نيابة حزبية لو المعاق عنده ابن قاصر

angryheadangryheadangryhe adangryheadangryheadangry head
طب ماهو هو ده إللي احنا بنقوله
وإللي عاوز يأمن نفسه من الموضوع ده لازم يفك حظر العربيه ويدفع 10 ألاف جنيه ده غير غللي خوا المعوق ده غير اجراءات الترخيص باسمه وغير اجراءات نقل الملكية باسمك وغير أجراءات الترخيص باسمك وكل خطوة من دول بمصاريف ومبالغ تخليك في الاخر تدفع اكثر من قيمة العربيه

http://www3.0zz0.com/2008/06/22/13/485863789.gif

رد: حقائق عن سيارات المعاقين

طب الحمدلله أنى مبدأتش لأنى صبرى قليييييل ومش بثق ف حد بسهوله:w6w200504112236376 d

رد: حقائق عن سيارات المعاقين

والأهم من دة أنا كنت لسة هعمل مشاركة فى المنتدى القديم أسأل عليك .....إختقيييييييت فييين ولييييية؟؟؟؟؟؟؟؟؟؟؟:F_14W A~16[1]:
مشاركاتك دايما حلوة وبستناها:w6w2005041113562 663

رد: حقائق عن سيارات المعاقين

كفايه قوي انك بتاخد عربيه شركه بره و شركه جوه .. مواصفات اوروبي و دي الاوبشنز بتبقي زايده فيها و معظم العربيات بيبقي فيها ايرباج .. و عربيه مش متهانه ... اعتقد ان ده سبب يخليني ادفع زياده كمان عن سعر السوق ;)