|
استفسار بخصوص اللانوس محتاج خبرتكم اتفضلو ا...
اولا السلام عليكم
دلوقتى فى حاجه محيارانى انا لما بادى غيار تانى او تالت مش المفروض تكون السرعه ثابته الغيارالى وخداه العربيه ولا ده مش صحيح عشان عايز اعرف الصح عشان انا عندى مثلا الغيار التالت من 40 الى 60 كيلو صح كده لما باسيب دواسه البنزين السرعه بترجع لاقل من 40 كيلو بمعنى مش بتفضل ثابته على الغيار الى على واخداه العربيه ده صح ولا غلط اريد تفسير ضرورى وشكرا ليكم يا احلى منتدى |
رد: استفسار بخصوص اللانوس محتاج خبرتكم اتفضلو ا...
ححاول اشرحها لحضرتك بطريقه بسيطه يا استاذ ya 122
هو البنزين بيغذي العربيه بالطاقه اللازمه لتحريكها .. بغض النظر عن الغيار ايه ... او نوع العربيه ايه ( خصوصا لو فتيس مانيوال ) يعني مثلا لما حضرتك تدور العربيه .. كميه البنزين اللي بيتحرق كافي علشان تدوير العربيه على المور .. لو جبت الاول و شلت رجلك من على الدبرياج من غير ما تدوس بنزين العربيه تبطل ... لأن كميه البنزين مش كافيه لتدوير مجموعه التروس و نقل الحركه للعجل و تحريك العربيه ... لما حضرتك تكون ماشي على اي غيار ... كل ما تزود بنزين تزود سرعه .. لما تقلل بنزين .. تقلل سرعه .. لو شلت رجلك خالص ... العربيه سرعتها حتقل لغايه ما تقف لوحدها و قبل ما تقف حتنتش و تبطل لأن البنزين اقل من انها تمشي ... علشان تحافظ على سرعه العربيه .. لازم تثبت رجلك على دواسه البنزين ... الا اذا قابلك مطلع او منزل .. ساعتها العربيه سرعتها تزيد او تقل بفعل الجاذبيه ( الفتيس الاوتوماتيك مش بيبطل .. يعني ممكن تجيب درايف من غير بنزين و العربيه تمشي على اقل سرعه ممكنه لحد ما تدوس فرامل او يقابلها مطلع مثلا ) اتمنى اكون فهمت استفسار حضرتك صح و افدتك بالرد ... |
رد: استفسار بخصوص اللانوس محتاج خبرتكم اتفضلو ا...
ايه الابداع دا يا عم سامح
جامد من يومك |
| الساعة الآن 11:32 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017