|
تجربة مع تغيير اطارات الفيرنا ... بريدجستون B250
بسم الله الرحمن الرحيم الموضوع بدا انى كان لازم اغير كاوتش العربية لانه كان بدا يسبب مشكلة ورعشة فى الدريكسيون وكنت شارح دة بالتفصيل فى الموضوع دة شراء اطارات جديدة للفيرنا - مصر موتورز مجتمع وسوق السيارات العربى وللاسف محدش رد علية فنزلت اشترى بعد ما عرفت الرموز كويس وذاكرتها وبعد ما سالت المحلات القريبة منى استقريت على الكومهو الكورى او البريدجستون التايلاندى واستبعدت كل الاسماء الغريبة وبعد ما كنت خلاص هشترى الكومهو الكورى لانه كان ارخص وسمعت انه كويس اكتشفت انه انتاج الاسبوع التالت من 2014 مع ان التاجر كان قايلى انه انتاج حديث اخر 2014 فحسيب انه بيضحك علية فصرفت نظر وكان عامل 370 جنيه والسرعة T رجعت لاول واحد سالت عنده وكان مرشحلى البريدجستون التايلاندى B250 وسرعتها H وكانت عاملة ( بعد الفصال ) 390 بالتركيب والترصيص والنيتروجين وكله ... وكانت انتاج الاسبوع 41 لعام 2014 وتم التركيب ... ومشيت بالعربية ... والحمد لله فرق رهيب جدا فى نعومة العربية والهدوء والرعشة طبعا اختفت تماما ... والدريكسيون بقيت بحركة بصابع واحد ... رغم انى بعد ما ركبتها بحثت عن الموديل دة لقيت ناس كتير محذرة منه معرفش ليه ... فانا حبيت اصلح الصورة دى لان مفيش حد هيدور على الاطار دة الا وهيخاف منه جدااا ... انا عارف ان ممكن يكون فى حاجة احسن بس دة عن تحربة ممتاز فعلا ... واسف على الاطالة ... واى سؤال انا فى الخدمة ... |
رد: تجربة مع تغيير اطارات الفيرنا ... بريدجستون B250
ايه المقصود ب
b250 ?? |
رد: تجربة مع تغيير اطارات الفيرنا ... بريدجستون B250
دة الموديل بتاع الاطار ... واحد من موديلات بريدجستون
|
رد: تجربة مع تغيير اطارات الفيرنا ... بريدجستون B250
الفيرنا بإطارات بريدجستون b250 سيارة مختلفة تماماً
النيتروجين اداء ممتاز الترصيص وعمل تبديل لأماكن العجل مهم كروس ثم امامى خلفى ثم كروس والترصيص فى كل مرة كل 6 شهور حد اقصى فى السيارة القليلة المشى كل 10000كم فى حالة الإستخدام التقليدى |
رد: تجربة مع تغيير اطارات الفيرنا ... بريدجستون B250
شكرا لردك ونصيحتك يا بشمهندس محمد واللى فهمته فى تغيير اماكن العجل انى اطلع العجل الخلفى قدام كروس يمين تبقى شمال وشمال تبقى يمين والعجل الامامى ارجعه زى ماهو يمين يمين وشمال شمال ... صح كدة ؟؟؟ وان شاء الله احافظ على نصيحتك كل ست شهور
|
| الساعة الآن 08:41 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017