استفسار,,,,,,,سيينا
 

رد: استفسار,,,,,,,سيينا
 

اولا اهلا بيك معانا في مصر موتورز
بخصوص السيينا 2001 في منها 1400 سي سي و 1600 ... و اعتقد ان حضرتك تقصد ال 1400 في رينج السعر ده
هي كعربيه كويسه ... ناعمه و سلسه و فتيس نقلاته قريبه ... اساسيات و موتور
شنطه واسعه جدا 500 لتر لكن على حساب الكنبه ضهرها واقف و لازم تقدم الكراسي علشان اي حد كبيريقعد ورا ركبه متبقاش في ضهر اللي قدام
والشنطه كبيره برضو على حساب الحوض صغيرجدا علشان كده الميكانيكيه بيتخنقوا منها خصوصا ال 1600
قطع الغيار موجوده واسعارها حاليا مش متأكد منها لكن القطع الميكانيكيه معتقدش حتفرق كتير انما غالبا الاكسسوار زي الفوانيس و الاوكر و حتى الكلبسات البلاستيك اللي بتمسك كاوتش الباب كانت اسعارها غريبه مقارنه بالكوري مثلا
علشان كده العربيه مش منتشره اوي و تلاقي سعرها اقل من الانوس و الاكسنت ... مع انها في رأي الشخصي احسن منهم كعربيه ... لكن ده لوحده مش كفايه خصوصا في المستعمل
لو العربيه اللي قدامك حالتها كويسه اوي وصاحبها مهتم بيها و بصيانتها دايما ...استخير ربنا و توكل عليه فيها .. و ان شاء الله حتبقى مبسوط بيها
لكن لو حالتها عاديه او محتاجه شغل فشوف لانوس او اكسنت اضمن و اريح

رد: استفسار,,,,,,,سيينا
 

ana mbfdlsh el siena, 3rbia so2ha wa2ef, w m3zam 7agtha 3'lia gdn (mbal3' f as3ar kte3 el 3iar awi awi) d lw l2etha kman, el 3rbia dy2a w a3detha mesh mri7a awi, motorha mesh btal bs mesh gamed (el 1400 tb3n) w ana bfdal ay 3rbia kory 3nha, y3ny lw zwedt shwia w gebt lanos 7altha ndifa ykon a7sn bkter

رد: استفسار,,,,,,,سيينا
 

أنا شاكر جدا ليكو جميعا النصيحه وهيا فعلا في محلها وأنا والله استفدت منها بجد
انا عاجز عن الشكر وإن شاء الله هشوف موضوع اللانوس أو الكوري
بس مش عارف لو حطينا السيينا مع الأكسل في مقارنه مين يكسب؟
انا سعيد جدا بالمنتدى الرائع دا وبجد الواحد كان في امس الحاجه لمنتدى قيم زي دا
ممتن جدا لإهتمامك

رد: استفسار,,,,,,,سيينا
 

انا معاي سينا 1.4
مش وحشة بس لااااااازم يكون متحافظ عليها اوي
لو حد اهمل فيها بيبان عليها علي طول
و انا مش برجحها لو استعمال عائلي
لو هتستعمل استعمال حرمي او شاب حلو اوي كده

و بالنسبة ل قطع الغيار عالية شوية من التوكيل
و هي فعلان سوقها سعات يمشي فل اوي و تكون مطلوبة و سعات ابداً :)