مصر موتورز مجتمع السيارات - هعمل صيانة للانوس

مصر موتورز مجتمع السيارات (https://www.masrmotors.com/vb/index.php)

- ﻻنوس (دايو - شيفروليه) (https://www.masrmotors.com/vb/forumdisplay.php?f=153)

- - هعمل صيانة للانوس (https://www.masrmotors.com/vb/showthread.php?t=123660)

هعمل صيانة للانوس

بعمل صيانة كامله للانوس وبجمع كل الحاجات الاول علشان مش كل شوية اروح لصنايعي اعمل حاجة وارجعله تاني
المهم جبت امبارح فلاتر وطبب وناقص الاتي

1_بوجيهات واسلاك :
اتأكد منين انهم ngk اصلي مش مضروب والاسلاك برضة نوعها ايه ؟

2_فانوسين خلفي :
الفانوسين ورا واحد مكسور والتاني مشروخ اجيبهم تايواني ولا ديبو ولا اصلي استعمال

3_قواعد موتور :
مش لاقي الجي ام الاصلي والمحلات بتخوفني انه ممكن يطلع مضروب ومش هعرف الفرق
اعرف منين انه جي ام اصلي خصوصا ان فرق السعر كبييييييييير بينه وبين القاعده الكوري ب 50 جنيه

4_ثرموستات الكوعه :
لقيتها جديده في ورقة عليها تكت جي ام ب 50 جنيه دي اصلي ولا مضروبة واجيبها جديده ولا استعمال

5_العجلة اللي ورا شمال ماسكة بمسمارين بس روحت اشتري سرة قالي لا الخلفي لازم تغير سرة بطنبور روح لخراط احسن ؟؟

6_جوان طبة زيت الفتيس ملقتهاش ومحل قالي اعملها بسيليكون
الكلام ده صح ولا ادور تاني علي الجوان علشان هغير الزيوت كلها

7_رومان البيل خشن اوي وعامل صوت ونة اغيره بنوع ايه

ولو حد يعرف اسعار ياريت يفيدني ولو باسعار تقريبية علشان اعرف عامل حسابي وانا رايح وعارف كل حاجة رينج سعرها كام

__________________

رد: هعمل صيانة للانوس

معقول محدش عارف اجابة اي حاجة من دول
طيب انا نزلت النهاردة جبت ال 3 قواعد موتور دول الواحده ب 50 وقالي كوري بس بعد ماروحت قعدت ابص عليهم مش لاقي اي كلمة بتقول انهم كوري
كل اللي مكتوب علي الكيس gsp
اعرف منين كويسين ولا لا اضغط عليهم مثلا اشوف الكاوتش ولا ايه
دي صورتهم ممكن حد يفيدني الماركة دي معروفة ولا ارجعهم اشوف حاجة تانيه

http://im33.gulfup.com/ybbOS.jpg

رد: هعمل صيانة للانوس

الفوانيس هاتهم ديبو كويسين جدا عن تجربة
العجلة الى وراء ممكن تروح للخراطة هيظبطها حاجة مش صعبة التكلفة 20 الى 30
الرومان البيل ممكن تجيبه كورى فى رنج 55 جنيه
جوان طبة زيت الفتيس ممكن تعمله عند حد بتاع جونات وانا اعارف واحد كويس اوى فى عين شمس
ترموستات الكوع يفضل تكون جديد احسن وممكن تجبه كورى او اصل من عند الشرقاوى فى الالف ماسكن
البوجيهات هاتها ngk تقريبا 55 جنيه
وسلك البوجيهات فى نوع 45 جنيه مش وحش وممكن تجبهم اصلى 185