تجربتى مع مياة الردياتير
 

انا احب اضيف تجربة حصلت معايا ف موضوع ميية الردياتير . العربية عندى ماروتى 2007 شاريها كسر زيرو عاملة 15000 كم بس كانت مركونة و من باب النظافة صفيت ميية الردياتير و عملت غسيل للدورة و تمام التمام . طبعا كنت جايب جيركن ميية خضراء من كارفور دا اول نوع جبتة و مليت و ظبطت الدنيا تمام . المشاكل اللى حصلت بعد كدة سخونة زائدة جدا للموتور و خصوصا ف السرعات العالية و لما افتح الردياتير الاقية فاضى المهم تابعت لما وصلت البيت و لاحظت حاجة غريبة جدا لما تكون العربية باردة تماما و افتح غطا الردياتير تحس انك بتفتح ازازة بيبسى يعنى لازم تسمع صوت فسسسسسس اثناء الفتح المهم دققت النظر و السمع ف الفتحة و لقيت زى فوران بسيط بيحصل وصوت زى متكون حاطط بيبسى ف كباية و بتبقلل مع العلم الردياتير عندى نضيف جدا و حتى لون دهان المصنع الداخلى لية زى الفل عربية لسة 15000كم المهم طبعا عرفت ان الميية فيها حاجة غلط و زى ما سمعت كتير من الاخوة عن لسانهم او لسان بتوع الردياتيرات نفسهم ان الميية الخضرا بتاكل الالومنيوم بس مكنتش اعرف المعلومة دى الا لما عملت بحث و لانى دايما بستعمل نفس النوع ف العربيات السابقة بدون مشاكل الا اللانوس لانها كانت نازلة بميية زرقا اصلا . المهم فضيت الميية تانى مش هستنى لما الاقى الردياتير بقى بودرة ههههه . جبت نوع تانى ميية خضرا برضوا و نفس الحوار حصل تانى هوة هوة . زى ما قلت بعد البحث ع النت اكتشفت موضوع الالوان و نوعية كل لون لنوع الردياتير انا بقول الكلام دا للى بيقولوا دا مجرد الوان و نفس المواد المضافة بس لأ مش مجرد الوان دى تركيبة و كل لون بتركيبة المهم تانى مرة مع تانى نوع ميية خضرا نزلتها تانى و غسلت كويس الدورة و حطيت ميية عادية مؤقتا . رحت اشتريت جركن ميية اسبانى لونة بمبة اللى بيسموة احمر و حطيت منة بعد تصفية ميية الردياتير و ظبط الدنيا طبعا لاحظت فرق كبير اولا السخونة عادية زى الطبيعى و الاهم انى لما افتح الردياتير عادى جدا بفتح غطا مش زجاجة بيبسى و دققت النظر و السمع مفيش اى صوت فوران او بقاليل و انتهت المشكلة على خير بعد ان غرمت 2 جيركن ميية خضرا و المم ان الميية اللى نزلتها من العربية كانت خضرا بس الغريب زى متكون مخففة لان خضارها فاااااتح قوى بس الحمرا حطيت منها عادى بدون تخفيف و مفيش مشاكل خالص . المهم اللى حصل دا الفايدة منة ان فعلا كل لون لة خواصة و تركيبتة الخاصة و مش كلة زى بعض زى الاخوة بيقولوا و الله اعلم

رد: تجربتى مع مياة الردياتير
 

:fun_36_3_11[1]::fun_36_3_11[1]::fun_36_3_11[1]::fun_36_3_11[1]::fun_36_3_11[1]::fun_36_3_11[1]::fun_36_3_11[1]:

رد: تجربتى مع مياة الردياتير
 

أسلام عليكم
شكرا على النصيحه
الكاتلوج بتاع الماروتى بيقول إن تركيبه الميه إثيلين جليكول
وفي ناس كانت قالت اللون اللأخضر فعلا بياكل الألومنيوم
السؤال جبت الميه الإسبانى منين؟ايه ياترى

رد: تجربتى مع مياة الردياتير
 

ROSE4UROSE4UROSE4U

رد: تجربتى مع مياة الردياتير
 

موجودة ف التوفيقية ب 35 ج و فى المحطات هتلاقيها ب 45 ج

و سالت برضوا تانى و برضوا ناس اكدت ان المية الخضرا بتاكل الالومنيوم و منهم ناس شغالة ف صيانة توكيل مرسيدس