|
أسعار بعض قطع غيار السول و صور ليها بالتفصيل بعدسات كاميرتى
السلام عليكم ورحمة الله وبركاته أزيكم يا محبى الكيا سول أنا رحت معرض فورميولا الأهرام علشان أحجز الكيا سول و قولت هلاقى تخفيضات و عروض و بتاع و كانت الصدمة أن السعر متغيرش و كمان زاد 100 جنية:12F099~16: المهم قلت ما بدهاش بقى أحجز من محمد زكى على الأقل تسليم فى خلال شهر بالكتير أو فورى لو اللون متوفر لكن للأسف ملقيتش عنده غير اللون الأسود فى الفئة الهاى لاين اللى ب 129,000 و أنا مبحبش الأسود فحجزت و مستنى شهر أو أقل ربنا يسهل المهم بقى فى المعرض صورت الكيا سول بالتفصيل و إليكم الصور بس ملحوظة دى مش أعلى فئة دى اللى ب 123,000 تقريبا و ينقصها على ما أتذكر ABS و وسادة هوائية للراكب الأمامى و كاميرا الركن الخلفية و مسند أيد السائق مش بيفتح و يقفل ده حتة دراع لازق فى الكرسى بس شغال السماعة اللى فى الشنطة http://img9.imageshack.us/img9/2723/dscn0177p.jpg الدرج بمستويين http://img211.imageshack.us/img211/4003/dscn0185r.jpg الفتحة اللى فوق الأنتظار دى كانت مقفولة زمان بس هما خلوها مفتوحة فى موديل 2011 بس مصلحة علشان لو الكاسيت باظ لا قدر الله ممكن تركب فيها كاسيت جديد لأن أكيد سعر الكاسيت فى التوكيل هيبقى مولع و فى نفس الوقت متبوظش شكل التابلوة و تسيب الكاسيت القديم منظر http://img814.imageshack.us/img814/841/dscn0189n.jpg http://img94.imageshack.us/img94/7152/dscn0191gm.jpg زراير القزاز و ضم المرايات فى كرسى السائق http://img13.imageshack.us/img13/3729/dscn0194z.jpg أماكن لتخزين الزجاجات فى الكراسى http://img96.imageshack.us/img96/3255/dscn0195s.jpg فتحة السقف + أنوار الصالون http://img210.imageshack.us/img210/8168/dscn0198u.jpg يتبع أرجو عدم الرد |
رد: أسعار بعض قطع غيار السول و صور ليها بالتفصيل
الشنطة مساحتها معقولة جدا تاخد شنتطين سفر كبار و را بعض
http://img251.imageshack.us/img251/1456/dscn0175p.jpg الحركات بتاعت الكاسيت و الفتيس الأستبترونك الجديد http://img257.imageshack.us/img257/8665/dscn0181x.jpg العدادات حلوة بس مش زى السيراتو هى بتور بلون تلجى و مفيش فيها حركات (كلاسيك خالص) http://img819.imageshack.us/img819/5428/dscn0192y.jpg جنط الموتوسيكل اللى جاى مع العربية http://img577.imageshack.us/img577/8633/dscn0176z.jpg الموتور الكورى الفلة شمعة منورة http://i55.tinypic.com/2eas32s.jpg المساحة الخلفية مع رجوع الكراسى لأقصى مدى http://imageupload.org/?di=1129517936313 الجديد بقى أن التوكيل ناوى ينزل فئة أعلى توب لاين فيها تكييف أتوماتيك + تشغيل السيارة بزرار + بلوتوث فى الكاسيت+ جنوط 18 + حساسات أمامية للركن بس لسة مفيش أى تفاصيل عن أسعارها و لسة منزلتش قطع الغيار بقى أسعارها كالأتى بس مش بالظبط تقريبا يعنى مرايات ضم كهرباء ب 1200 فانوس أمامى 1400 فانوس خلفى 1000 تيل فرامل أمامى 600 تيل خلفى 500 أكصدام أمامى 1500 أكصدام خلفى 1100 الأنذار ب 650 و الأسعار عالية شوية عن السيراتو و الكارينز على حسب كلام الوكيل و ربنا يستر طريقنا أتمنى يكون التقرير عجبكم و لنا لقاء لما أستلم العربية دعواتكم اللهم صل على محمد وعلى آله وصحبه أجمعين |
رد: أسعار بعض قطع غيار السول و صور ليها بالتفصيل
و ده موضوع قديم كنت عامله و لكن تقريبا حصلت مشكلة فى السيرفرات فأتمسح
السلام عليكم ورحمة الله وبركاته أنا بقالى فترة بفاضل بين الكيا سول و الكيا كارينز و الرينو فلونس و ده من ساعت ما شفتهم فى معرض أتوماك اللى فات و كنت مستنى بس أظبط الأمور المادية و أنطلق المهم بقى روحت النهاردة عند محمد زكى اللى فى القطامية (هو نفسه فرع الصيانة التابع للتوكيل علشان مأجرين منه جزء للصيانة) المهم ركبت السول و لقيتها تحفة :playing_music:و ركبت الكارينز بس معجبتنيش أوى زى السول و لقيت الفرق بينهم فى الحجم الداخلى مش كبير أوى الكراسى الخلفية للكارينز أوسع سنة بسيطة و مش مؤثرة أوى و على فكرة العربيتين نفس العرض تقريبا بس البومبية بتاع الكارينزا مبينها أكبر و الكراسى الأمامية السول كانت أريح فى وضعية القيادة الشنطة بتاعت الكارينز أوسع شوية حلويين عن السول الصراحة بس الشنطة مش مهمة قوى خصوصا أن العربيتين ليهم خوص فوق السقف و كله تمام (على فكرة أنا طولى 190 سم و عريض كمان و الدنيا بايظة و قعدت قدام و رجعت الكرسى للأخر لحد ما كله بقى تمام و نزلت قعدت ورا و كنت قاعد مستريح و الفرق بينها و بين الكارينز مش كبير و مش مؤثر أوى) جديد 2011 فى السول بقى نازلة الفئة التوب لاين وكيل ب 129,000 عند محمد زكى فيها كل ما تتمناه الأنفس:fun_36_3_3[1]: فرامل abs + كاميرا ركن خلفية + مرايات ضم كهرباء + 2 وسادة هوائية + فتحة سقف + سبويلر + دركسيون مالتى فانكشن + فتحة AUX لذيذة+ 6 سماعات و 2 تويتر و صب أوفر (أنا مش بسمع غير قرأن و الحمد لله) + السماعات بتنور بس ممكن تقفلها خالص و ده اللى هيحصل أن شاء الله + شوية الكماليات العادية فى كل العربيات الجديد بقى أنهم شالوا الجزء بتاع تخزين العدد اللى كان تحت الشنطة و خلوا الأستبن يبقى جوة العربية مكان جزء التخزين (أستبن معوق بتاع عجلة أخرو 80 كم/ساعة) الفتيس الجديد الأستبترونك نزل كمان و شبة بتاع السيراتو عملوا حركة فى منتهى الغباء و حارقة دمى من ساعتها ..كلنا عرفين أن الفانوس اللى ورا للسول شكله تحفة ...العباقرة راحوا مخليين الجزء بتاع الأشارة لونة بمبى فاتح :crazyW14:شكله زبالة و مستفز جدااا .. مش عارف لية عملوا كده...مفيش حاجة كاملة الكمال لله وحده المهم أن العربية أنا جايبها للعيلة مش شبابى زى ما الناس فاكرين دى حلوة جدا و كأنك راكب SUV ضغنططة شوية و أعلى من الكارينز و متهيألى مش هتحك فى المطبات و كمان حكاية أن الشنطة أصغر هتخلى التكييف تأثيره أقوى و أنا فى أنتظار معرض الأهرام على أمل انهم ينزلوها 2000 و لا 3000 جنية يبقوا حلويين فى الترخيص أو لكماليات أضافية (بس يا ترى فى أية كماليات تانى ممكن أجبها !!) لا ينقصنى غير دعواااااااااااااااااااتكم و تساهيل ربنا شوية الصور بقى http://img832.imageshack.us/img832/4623/dscn0154k.jpg الكرسى راجع على الأخر و القاعدة و را واسعة بردوا و لكمة سول فى كل مكان http://img255.imageshack.us/img255/3629/dscn0155i.jpg الأستبترونيك الجديد و الفاتحة اللى فوق الأنتظار معدتش مقفولة-طب بالذمة دى هتكلفهم أية!!!-لازم سنة ..... فى كل حاجة http://img407.imageshack.us/img407/9105/dscn0156z.jpg الشنطة المطورة و الأستبن تحت حتة الجلد التعبانة دى -مش قد كده- الشنطة حجمها معقول و تاخد شنطتين سفر متوسطيين وقفيين ورا بعض http://img266.imageshack.us/img266/4166/dscn0157t.jpg الفانوس الغبى و اللون الأحمر الولعة- انا ناوى عليه إن شاء الله هو أو الفسدقى(كان نفسى فى الأبيض العادى بس التوكيل مش منزله التوكيلات فى مصر شلل و حتى الفسدقى بيقولى هتستنى شهرين علشان أجيبهولك الموجود كريمى و فضى و أسود و أحمر و دول تسليم فورى عند محمد زكى) و بكدة التقرير المختصر خلص و أتمنى انه يكون عجبكم و أن شاء الله هغرقكم تقارير عنها لما أستلمها و كان معكم مراسلكم سمارت من عند محمد زكى القطامية....موسكو 444546 |
رد: أسعار بعض قطع غيار السول و صور ليها بالتفصيل بعدسات كاميرتى
wallahy ya basha alf shokr bs el swr msh kollaha zahra, bs allah ynwr 3ala elmghoood
|
رد: أسعار بعض قطع غيار السول و صور ليها بالتفصيل بعدسات كاميرتى
الله ينور عليك يا باشا .. تقرير رائع بجد
|
| الساعة الآن 08:01 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017