|
إلى خبراء مازدا 929
عندى سياره مازدا 929 موديل 82 وبتستهلك بنزين كتير الصفيحه (20 لتر) بتعمل 80 كيلو ممكن حد يقولى العيب ده من ايه ومعدلها الطبيعى ايه؟؟؟
|
رد: إلى خبراء مازدا 929
ظبط كهربا العربيه - تغيير بيكات الكربراتير او طقم اصلاح - الكشف على دوره البنزين بالكامل ممكن تلاقى خرطوم او ماسوره مشروخه ,,طبعا كل ده عايز ميكانيكى كويس ...الاستهلاك المعتاد للعربيه 7 كم للتر جواه البلد و ممكن توصل ل 10 فى السفر ,,تحياتى
|
رد: إلى خبراء مازدا 929
الكربراتير عاوز اصلاح و إعادة ضبط
المعدل ده إستهلاك عالى جداً بس الأول حسبتها إزاى؟ المفروض معدل الإستهلاك يتحسب على طريق سريع تضبط هوا إطاراتك,و تفول التانك عالآخر و تأخد قراية عداد الكيلومتر و تطلع سفريه رايح جاى على سرعة ثابته 80-90 كم/س ,و ترجع تفول تانى و تشوف أخدت كام لتر (من البنزينه) و تشوف عداد الكيلومتر عندك بقى كام. و تطرح الكيلومتر القديم من الحالى = المسافه المقطوعه تقسمها على عدد لترات البنزين = اللتر : كام كيلو تضربه فى 20 (الصفيحه) تعرف بالضبط الصفيحه بتعمل كام طبعاً المفروض على الطرق السريعه مع أى عربيه مضبوطه يعدى الـ 200 كم للصفيحه جوه البلد و الزحمة مش هيكون الإستهلاك مضبوط إلا لو عملته كذا مرة و أخدت المتوسط بتاعه بالتقريب. و ساعتها هيتأثر بالطريق و طريقة السواقة و التسخين الصبح و غيره لذلك مش هيبقى دقيق أوى. بوجه عام لو جوه البلد فعلاً 80 كم/الصفيحه يبقى مشوار للأسطى معتز كربراتير فى دار السلام و إن شاء الله المشكله هتتحل. |
رد: إلى خبراء مازدا 929
silverlite
zing0 متشكر جدأ لإهتمامكم بمشكلتى وياريت توصفلى بتاع الكربراتير ده فين مكانه باضبط وهو تقريبا هيتكلف كام |
رد: إلى خبراء مازدا 929
دي أول مشاركه ليه في المنتدى ياريت أون ضيف خفيف عليكم فياريت حد يفدني في مازدا 929 ستيشن موديل 79 متركبلها موتور فراشه 2003. بالفتيس والحاله العامه جيده جدا أخبار العربيه إيه والموديل دا بالذات من حيث كل حاجه وبذات قطع الغيار في المنصوره والدقهليه بشكل عام وآسف لو كنت طولت عليكم
|
| الساعة الآن 11:37 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017