عايز اشترى عربية من سوق الجمعة وخايف من النصب
اية الى ممكن اعملة اخد معايا فلوس واخلص هناك ولا ادفع بعدين ولا اعمل اية
|
رد: عايز اشترى عربية من سوق الجمعة وخايف من النصب
نصيحة
بلاش من سوق او تاجر خد العربية رد بيوت يعنى مشافتش تاجر المعاملة احسن و ممكن يقوللك ع اللي فيها ولو قررت تنزل السوق خد معاك ميكانيكي كويس , اكشف مكنة كويش وشوف دخان من الشكمان الميكانيكي هيقوم بالواجب و بعد كدة لو بالنهار شوف من تحت و الخبطات والبارومة وشغل السمكرة خلاص عجبتك و هتخلص فيها سيبله حاجة ربط كلام وتاخد العربية فى وضح النهار تعمل كونسولتو عليا تانى مرة والف مبروك عليك |
رد: عايز اشترى عربية من سوق الجمعة وخايف من النصب
شكرا" ياباشا على الرد ونصيحتك غالية وهعمل بيها بس فى سوأل ممكن اتفق مع حد فى السوق وبعد كدة اروح لية وادفع واستلم منة العربية دة احسن ولا ادفع فى السوق واخلص فى الحال اية الاحسن .
|
رد: عايز اشترى عربية من سوق الجمعة وخايف من النصب
بصراحة منصحكش خالص هناك النصب على ودنو ممكن تاخد معاك اى حد ولا اسال محامى اه اصل الفلوس اللى هتدفعها اكيد مش جاية بالساهل فخد بالك كويس
|
رد: عايز اشترى عربية من سوق الجمعة وخايف من النصب
يا باشا لازم تاخد معاك سمكرى كويس ويكون ثقة وميكانيكى كويس وبردة يكون ثقة واهم حاجة متخودش فلوس معاك تاخد مبلغ بسيط بس كربط كلام وطبعا بعد متدفعش جنية واحد قبل مالميانيكى والسمكرى يقولوك اوك وكمان بعد كدة اطلع على بنزين اكشف على العربية فى بنزينة كمبيوتر لو قالك تمام يبقى توكل على ربنا وخالص وتديلو عربون ربط كلام ويكون معاة طبعا اخوك مثلا وبعد متجيب الفلوس تكتب عقود ابتدائى ويعملك توكيل ومتنساش شهادة المخالفات ونسيت اقولك اتاكد ان الموتور مش متغير طبعا من الرخصة ومن العربية ورقم الشاسية والف مليون مبروك عاليك وخالى بالك من السوق خالى بالك من السوق علشان فى نصب كتيييييييييييييير جدا وربنا معاك:286:
|
الساعة الآن 02:08 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017