نصيحة لشراء اول سيارة
 

انا طبيبة عمري 38 سنة طلعت الرخصة واخدت 10 حصص من 3 سنين في مدرسة سواقة.. خوافة جدا.. محتاجة طبعا اتعلم تاني.. ارجو أن تنصحوني في موضوع شراء السيارة.. ميزانيتي 40 الف... هل اجيب بيهم حاجة مستعملة وهل في مستعمل كويس وفيه تكييف بالسعر ده.. ولا اجيب حاجة جديدة واقسط باقي المبلغ.. ولو حاجة جديدة بالقسط الافضل تكون مانيوال ولا اوتوماتيك... وتنصحوني بايه سواء مستعمل أو جديد.. مشاويري صغيرة وبروح اسكندرية بس السفر بيها غير وارد لاني بخاف جدا... اسرتنا 4 افراد.. انا اسفة اني طولت عليكم بس انا فعلا مترددة ومحتاجة رأيكم...

رد: نصيحة لشراء اول سيارة
 

لازم حضرتك تتعلمى سواقة من تانى .. و تنزلى تجربى تسوقى فى الشارع بالتدريج
نصيحتى الشخصية ... ابعدى عن التقسيط و البنوك و وجع القلب ... ممكن حضرتك تركبى حاجة معقولة جدا بالمبلغ الى معاكى .... لانوس .. فيرنا .. لوجان .... مستعمل.. عربيات كويسة و فى حدود الفلوس الى مع حضرتك
ربنا يوفقك

رد: نصيحة لشراء اول سيارة
 

نصيحتي ليكي كسيدة الخوف هيخلص ويموت بالممارسة وركزي في حارتك متهابيش العربيات اللي حواليكي وابعدي عن المانوال تماما علشان متلخميش نفسك والعربية متفصلش منك ورجليكي متوجعكيش الرجالة دلوقتي بيركبوا اتوماتيك ممكن بس تزودي ع المبلغ بتاعك شوية حوالي 5 او 10 وتشوفي لانسر مثلا اتوماتيك عربية محترمة ولو اني بفضل العربيات الصغيرة الهاتش باك للبنات علشان ابعادها ابعدي عن اي حاجة صيني نهااائي انا شخصيا معايا بيكانتو والحمد لله مريحاني

رد: نصيحة لشراء اول سيارة
 

ياريت حضرتك تجيبى مستعمل احسن من التقسيط والتوكيلات وكل ده وفى الرينج ده هتلاقى حاجات كتير كويسه ان شاء الله وبعد ما تتمكنى من السواقه تفكرى فى الزيرو

رد: نصيحة لشراء اول سيارة
 

جزاك الله خيرا...