مصر موتورز مجتمع السيارات - مطلوب قيمة تقريبية لعقد بيع و نقل ملكية وتجديد سنة

مصر موتورز مجتمع السيارات (https://www.masrmotors.com/vb/index.php)

- المرور والشهر العقارى (https://www.masrmotors.com/vb/forumdisplay.php?f=89)

مطلوب قيمة تقريبية لعقد بيع و نقل ملكية وتجديد سنة

الحمد لله ربنا كرمني وجبت عربية اونو موديل 93

فيها رخصة سنة مرور النزهة

انا معايا توكيل

بأذن الله عاوز اعمل عقد لنفسي واجدد سنة عشان الرخصة تبقي بأسمي ان شاء الله تعالي

انا مرور الاميرية

يا ريت اعرف المطلوب مني بالظبط ايه والخطوات خطوة خطوة + تكلفة العقد و تكلفة تجديد سنة

والف شكر مقدما

رد: مطلوب قيمة تقريبية لعقد بيع و نقل ملكية وتجديد سنة

اعتقد عقد البيع المسجل بـ 220 جنية
والضريبة عادية السنة بتاعة الـ 1300 سي سي 120 جنية
ونموذج فصح وورق وخلافة 100 جنية
معهرفش بقى هى ارقام جديدة ولا قديمة بس هانفترض الاسوا وهى ارقام بس حط عليهم 70 جنية تامين لوحات

رد: مطلوب قيمة تقريبية لعقد بيع و نقل ملكية وتجديد سنة

خلي بالك لو العربية مرور النزهة ان ساعات براءة الذمة مش بتبقي في مرور النزهة( عن تجربة لاني انا مرور النزهة)
روح واسأل, لو العربية نمر جديدة يبقي غالبا هتجيب براءة الذمة للنمر الجديدة من مرور النزهة ( اللي في شيراتون) و هتجيب براءة ذمة للنمر القديمة اللي هيطلعالك من ملف العربية من مرور مصر الجديدة في ميدان الجامع

ولو كانت العربية نمر قديمة فروح علطول مرور مصر الجديدة هات براءة الذمة و روح علي مرور الاميرية اعمل نقل ملكية بس خلي بالك اوي من الوصل بتاع تسجيل عقد العربية في الشهر العقاري لانهم بيحتاجوه في المرور

رد: مطلوب قيمة تقريبية لعقد بيع و نقل ملكية وتجديد سنة

اقتباس:

المشاركة الأصلية كتبت بواسطة walidmhafeez (المشاركة 514530)

انا معايا شهادة براءة ذمة سارية ومعايا توكيل والعربية نمر جديدة 3 ارقام و3 حروف

هل هحتاج حاجة تاني ؟

رد: مطلوب قيمة تقريبية لعقد بيع و نقل ملكية وتجديد سنة

يبقى خلاص كدة ناقصلك المسجل وخلاص تروح للمرور بتاع الاميرية تعمل التامين الاجبارى وتشترى نموذج فحص وتختم شهادة صلاحية الطفاية وتفحص العربية والمهندس يمضى على الفحص وتروح الشباك يدفعك وتاخد رخصتك
التكلفة تقريبا لمدة سنة 400 جنية