|
عاوز أركب موتور علي عربيه إيديا 2 علشان موتورها زباله
عاوز أركب موتور علي عربيه إيديا 2 علشان موتورها زباله وصلحته عده مرات وأخرها عمله في الوكيل هويدي موتورز الله يخرب بيتهم البعده ودفعت 2400 جنيه بعد فضايح ولم يمشي حوالي 400 كيلو وباظ تاني وعاوز أشتري دماغي وأعدل عليها موتور أخر ----------------- والموتور اللي راكب جر أمامي 1100 سي سي إنجشكن ياريت معلومات عن المواتير اللي تركب عليها بدون ما حوض العربيه يبوظ وياريت ياباني وشكرا لكم |
رد: عاوز أركب موتور علي عربيه إيديا 2 علشان موتورها زباله
روح عند ميكانيكي يبص علي قواعد الموتور و يشوف اقرب موتور ليها ايه. مش من السهل انك تغير موتور.
ده كمان غير ان الورق و الافراج الجمركي علشان تثبت في الرخصه موتور ماركته غير ماركه العربيه مش سهله. ده التمن اللي الواحد بيدفعه لما يجيب عربيه صيني للاسف. اسهل حل ليك تشوف الوكيل لو يقدر يديك موتور كامل جديد و شوفه عامل كام. |
رد: عاوز أركب موتور علي عربيه إيديا 2 علشان موتورها زباله
اقتباس:
لا الوكيل نصااااااااااااااااااااااا ااااااااااااااب الموتور ب 20000 جنيه بدون فتيس ومش موجود وأعتقد إن المرور هايوافق علي التغيير وعموما هسأل قبل أي حاجه المهم دلوقتي عاوز أعرف الموتور المناسب لها وسألت كذا ميكانيكي بدون فائده فقلت أستفيد بخبره الأساتذه هنا في المنتدي وشكرا للإهتمام |
رد: عاوز أركب موتور علي عربيه إيديا 2 علشان موتورها زباله
موتور طياره ده ولا ايه .. 20 الف ليه .. بنشتري العربيه من جديد؟
المشكله ان احنا ماتعاملناش مع العربيات الصيني قبل كده .. هيا غالباً بتبقي معموله علي تكنولوجيا اسويه برضه .. ممكن تحط صوره العربيه و صوره الموتور و الحوض؟ لو هيا عربيه صغيره في حجم الماروتي كده حاول تشوف لو يركبلها موتور الماروتي .. |
رد: عاوز أركب موتور علي عربيه إيديا 2 علشان موتورها زباله
مافيش فايده و مش حتعرف تغيره
لان المرور حيمنع ترخيص العربيه لو فيها موتور من شركه تانيه ممكن لو الموتور تصميم و تقنيه ياباني مثلا تجيب موتور كامل و تنقله في فارغه الموتور اللي عندك دا في حاله تطابق تصميم الموتور مع اي موتور اخر |
| الساعة الآن 03:22 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017