مصر موتورز مجتمع السيارات - مشكلة فى فرامل النترا مش لاقى ليها حل

مصر موتورز مجتمع السيارات (https://www.masrmotors.com/vb/index.php)

- Hyundai هيونداى (https://www.masrmotors.com/vb/forumdisplay.php?f=37)

- - مشكلة فى فرامل النترا مش لاقى ليها حل (https://www.masrmotors.com/vb/showthread.php?t=118250)

مشكلة فى فرامل النترا مش لاقى ليها حل

السلام عليكم جميعا

عندى مشكلة فى فرامل العربية بقالها فترة ومش عارف اوصل لحل ليها

العربية النترا 2007 مانيوال

العربية فيها صوت تقطيع ونحر فى الفرامل جامد

اول مره بصيت مع الميكانيكى على التيل وقالى التيل كويس بس كان شايف ان المشكلة فى الطنابير وقالى لازم نخرط الطنابير

خرطناها ونفس المشكله موجوده

قولت يمكن العيب من التيل نفسه غيرته مع ان بقاله شهر (كورى ماركة اسمها كينج)

ونفس المشكله بترجع تانى

غيرت الميكانيكى وبص وقال جهاز الفرامل نفسه عايز يتظبط علشان مش ماسك كويس وفكه واخده للخراط واتظبط وتمام

ومفيش فايده برده

غيرت التيل تانى وجبت تيل كورى الناس بتشكر فيه

يادوب كام مشوار ويرجع الصوت تانى

مش عارف المشكله فين بالظبط
مع العلم انى برضه غيرت التيل الخلفى مع ان الصوت من الأمام

الحل من وجهة نظركم ايه ؟؟؟؟

رد: مشكلة فى فرامل النترا مش لاقى ليها حل

الصوت دا لما تدوس فرامل ولا علي طول

رد: مشكلة فى فرامل النترا مش لاقى ليها حل

لا لما بدوس فرامل
و اوقات يبقى مش موجود لفترة بسيطة ويرجع تانى لدرجة انى مش ببقى عايز ادوس فرامل علشان مسمعش الصوت
برضه اللى امتشفته ان التيل مش بيتأكل واخر مره روحت للمكانيكى صنفر التيل والصوت اختفى شوية وبعدين رجع تانى

رد: مشكلة فى فرامل النترا مش لاقى ليها حل

خرط الطنابير او الديسكات لو بتتكلم عن الامامى مش حل نهائى غالباً هتحتاج تغيرها

رد: مشكلة فى فرامل النترا مش لاقى ليها حل

الحمد لله تم حل المشكلة بأنى غيرت التيل مرة ثالثة واشتريت التيل الأصلى