تكيييف وبور شاهين 2004
 

السلام عليكم
كل سنه وكل اعضاءالمنتدى الكرام بصحه وسعاده
ويارب تكون انبسطوا فى العيد
انا معايا شاهين 2004 1600
طرومبة الباور لما اجيب الدركسيون لاخر اليمين او اخر الشمال يطلع صوت صفاره عاليه والماتور بيتهز جامد رحت لبتاع عفشه قال محتاج طرومبة باور سألت واحد تانى قالى اخلط زيت البور مع زيت ماتور وفعلا عملت كده الصفاره راحت لمده ورجعت تانى
هل ممكن امشى بيها على كده ولا لازم تتغير علشان متأثرش على حاجه تانى مع العلم الدركسيون تقريبا خفيف
مشكلتى التانيه فى التكييف
التكييف الموجود الاصلى الى جاى مع العربيه من المصنع تبريده كويس جدا بس قوة دفع الهوا ضعيف جوه الصالون هل ممكن تتغير المروحه الى جوه التابلوه علشان يدى اداء اقوى
وكمان الكباس بيطلع زى صوت خشوله او خبيط على خفيف لما اشغل التكييف
سألت صنايعى قالى الكباس بيودع على الرغم التبريد بتاعه كويس هل الكلام ده صحيح وممكن يكون ايه مشكلته
شكرا

رد: تكيييف وبور شاهين 2004
 

هو سير الباور راكب على حاجة تانية ؟
و كومبريسور التكييف باين عليه كويس
يفضل تاخد راى ورشة متخصصة فى موضوع مروحة التابلوه
لو المعادى قريبة منك ادلك على واحد من الاخر فاهم جدا و اسعاره متواضعه جدا جدا
و بالمرة يطمنك على صوت اللخبطة اللى مع تعشيق التكييف

رد: تكيييف وبور شاهين 2004
 

انا من سوهاج مش القاهره
انا نزلت الشهر الى فيات بالعربيه ورحت عند واحد اسمه الخواجه علشان اظبط الكربيراتير والفاكيوم بعد كوبرى روض الفرج سألته على حد مختص بتكييف السيارات دلنى على واحد بعده بشارعين أسمه (احمد خلف) تقريبا هو الى قالى انه الكباس بيودع بس صراحتا موثقتش فى كلامه بالأخص انه التبريد كويس
علشان كده عرضت مشكلتى هنا علشان أشوف حل ليها سواء فى التكييف او البور

رد: تكيييف وبور شاهين 2004
 

إيه يا جماعه فين أراكم وأبتكاراتكم وخبراتكم

رد: تكيييف وبور شاهين 2004
 

أكيد مافيش فلتر للتكييف وحتلاقى الثلاجة الداخلية مليانة تراب وحتاجة تنظيف فقط ان شاء الله.