|
توكيل نيسان
السلام عليكم ورحمة الله وبركاته كنت عاوز أعرف وكيل نيسان مين في مصر ؟ وفين مكانه في القاهرة أو محافظات وجه بحري الأخرى ؟ وياريت أسعار النيسان صني (الأوتوماتيك فقط) ؟ شكراً مقدماً. |
رد: توكيل نيسان
نيسان الشركة الوحيدة الي ليها اكتر من توكيل(السبع -ايجيبت موتورز-المحمل موتورز)
برشحللك السبع عن تجربة (للوحيدين الي ليهم مركز صيانة ) السبع لية فرعين واحد في المعادي الجديدة والتاني فرع مصر الجديدة بجوار سوبر جيت الماظة ايجيبت موتورز في المهندسين شارع سوريا المحمل علي الطريق الزراعي مصر اسكندرية (ابعد عنة خااااااالص) محافظات وجة بحري ممكن حضرتك تزور الموقع الرسمي لنيسان وتعرف العناوين بالتفصيل اسعار نيسان الاوتوماتيك 90 الف من غير abs 93 الف مزودةب asbs 100 الف سوبر صالون 102 الف هاي لاين فيها ازاز فامية اي خدمة GIFT4U |
رد: توكيل نيسان
جزاك الله كل خير أخي الكريم... طيب معندكشي أي معلومات عن Modern Motors (ده وكيل نيسان في شبين الكوم من الموقع الرسمي) , ده محل إقامتي وأقرب لي. |
رد: توكيل نيسان
نصيحة ليك ابعد عن المحافظات واستلم من الوكيل الي في القاهرة لسبب بسيط جدا العربية بتاخدها من المصنع ليك علي طول بدون ماحد يلمسها عشان بتتنقل عن طريق تريلات
(مستلم عربيتي عاملة 7 كيلو فقط) اما المحافظات بيستلمو العربية ماشية المسافة دي كلها وشفت كتيييير سواقيت بيسوقو العربيات اثناء نقلها برعونة وتهور دون ادني اهتمام انها لسة زيرو |
رد: توكيل نيسان
فعلا سواقين يستاهلوا القتل
و للعلم السبع احسن صيانه حتى لو جيت مخصوص القاهرة للصيانة- عن تجربة |
| الساعة الآن 11:51 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017