مشكلة ف طقطقة بالعربية
السلام عليكم ورحمه الله وبركاته
وانا ماشي بالعربية لاقيت فأجاءة صوت حاجة بتصفر بس بسيط من الناحية الشمال قدام وتاني يوم لاقيت وانا ماشي حاجة بتقطقط ف العجل بتروح وبتيجي رحت للميكانيكي لاقيت الطمبورة كانت متبهدله وراح وداها للخراط وظبطها وغير التيل وانا راجع من عند الميكانيكي لاقيت برضة صوت الصفارة دة تاني وانهاردة وانا ماشي سمعت طقطقه وانا بفرمل برضة بسمعها برجاء الافادة وهل دة ممكن يكون رمان البلي مع اني مش سامع صوت خشونة ف العربية |
رد: مشكلة ف طقطقة بالعربية
هو الأول كان التيل منتهى خالص وعمل ريجا فى الطنبورة فاضطر ياخدها وش صنفره ع المخرطة مع تغيير التيل
بعد كدا بقى مركبش سوسته التيل او ممكن تلاقى صاجة التراب بتحك المهم إن شاء الله بسيطة خليه يراجع تانى على الشغل |
رد: مشكلة ف طقطقة بالعربية
بس الصوت دة كان هو هواه والطقطة قبل مايغير الحاجات دي برضة وبعد ما غيرالصوت هو هواه
وكمان الصوت دة بيجي وانا بفرمل وبعد مابفرمل واول مابطلع بالعربية الطقطقة بتيجي تاني والصوت دة مش متكرر بيجي كل فترة وهل المشكلة دي ليها علاقة بصوت الصفارة |
رد: مشكلة ف طقطقة بالعربية
طقطقة كبالن مثلا فى الطوالى ولا فى الملفات ؟؟؟
وبعدين كاوتش الميزان الأمامى اه أخباره سليم ولابايظ؟ |
رد: مشكلة ف طقطقة بالعربية
الطقطقة ف الطوال بس
|
الساعة الآن 06:33 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017