مصر موتورز مجتمع السيارات - عروض مصرية - ميتسوبيشي الرواس (صيانة وقطع غيار أصلية)موضوع اعلاني

مصر موتورز مجتمع السيارات (https://www.masrmotors.com/vb/index.php)

- متسوبيشى Mitsubishi (https://www.masrmotors.com/vb/forumdisplay.php?f=29)

رد: عروض مصرية - ميتسوبيشي الرواس (صيانة وقطع غيار أصلية)موضوع اعلاني

اقتباس:

المشاركة الأصلية كتبت بواسطة kbarema (المشاركة 577646)

ممكن سيادتك تكلمنا علي سعر قطع غيار لانسر شارك لانى عاوز اشترى واحده ولقيت ان سعرها مستعمل قريب من البومه بس خايف من قطع الغيار

سعر قطع الغيار في اللانسر الشارك متقاربة جدا مع البومة يعني احيانا بتزيد عنها واحيانا كمان بتقل يمكن الحاجه الوحيدة اللي سعرها مبالغ فيه في قطع غيار الشارك هو الفانوس الأمامي العدسات زينون اللي بينزل مع الخليجي وخاصة الكويتي وده لأن فيه جزء متحرك ويضيء عند الملفات فقط وبالتالي التكنولوجيا اللي فيه هي اللي مغليه سعره (حوالي 6000 جنيه) اما الفانوس الأمامي العادي اللي كان بينزل في المصري وبعض الخليجي فسعره زي البومة

رد: عروض مصرية - ميتسوبيشي الرواس (صيانة وقطع غيار أصلية)موضوع اعلاني

شكرا يا بشمهندس طارق طول عمرك بتحرجنا بذوقك واهتمامك
ولو فيها رخامه انت حضرتك اكيد ركبت العربيتين ايه رايك في المقارنه في السعر والركوبه

رد: عروض مصرية - ميتسوبيشي الرواس (صيانة وقطع غيار أصلية)موضوع اعلاني

اقتباس:

المشاركة الأصلية كتبت بواسطة kbarema (المشاركة 578563)

اهلا وسهلا بيك

بالتأكيد انا ركبت العربيتين ومن اول ما نزلت الشارك مصر وانا رأيي انها افضل من البومة في كل حاجه

في يوليو 2007 انا كنت منتدب عن شركة مصرية في حضور سيمنار التعريف بالعربية الشارك اللي عملته ميتسوبيشي في دبي لكل وكلاء دول الشرق الأوسط وشمال افريقيا ووقتها العربية عجبت كل الحاضرين من كل الدول العربية لأنها تعتبر تطوير البومة في كل حاجه بداية من الحجم اكبر الى تطوير في كل انظمة العربية
العيب الوحيد في الشارك هو سعرها اللي دخلها في شريحة سعر اعلى من اللي الناس اتعودت عليه في اللانسر وبالتالي كان الاقبال عليها اقل بكتير من البومة واصبح سعر اعادة البيع لها مش عالي زي البومة
هي دي عيوب الشارك لكن مفيش عيوب تكنيكال فيها

البومة كل سنة نقول دي آخر سنة ليها اعتبارا من 2008 لكن نتفاجأ انها ما زالت ممتدة وانتاجها مستمر لكن مستمر لبعض المناطق في العالم زي الشرق الأوسط وبعض الدول الأفريقية والأسيوية انما وقفت في امريكا واوروبا واستراليا ومفيش في المناطق دي الا الشارك والشارك سبورت باك اللي هي زي الهاتش باك

رد: عروض مصرية - ميتسوبيشي الرواس (صيانة وقطع غيار أصلية)موضوع اعلاني

جزاك الله كل خير
طب ايه راي حضرتك لو انا حابب اشترة شارك ممكن اجيبها قبل الشرا اكشف عليها عندكم وهل فيه ضمان علي الفحص وتكلفه الفحص كام والعناوين للفروع

رد: عروض مصرية - ميتسوبيشي الرواس (صيانة وقطع غيار أصلية)موضوع اعلاني

اقتباس:

المشاركة الأصلية كتبت بواسطة kbarema (المشاركة 580873)

ممكن طبعا يتم عمل كشف كامل على العربية في مركز الخدمة الرئيسي في قليوب او مركز جسر السويس (العناوين والتليفونات في اول صفحة هنا في الموضوع) وتكلفته 200 جنيه وبيشمل كل المعلومات عن العربية البودي وهل فيه اي حوادث وحالة المحرك والفتيس والتكييف والعفشة وهل فيه قطع غيار مش اصلية راكبه