مصر موتورز مجتمع السيارات - عرض خاص من اليجانس لفرش السيارات

مصر موتورز مجتمع السيارات (https://www.masrmotors.com/vb/index.php)

- عروض وتخفيضات (https://www.masrmotors.com/vb/forumdisplay.php?f=60)

- - عرض خاص من اليجانس لفرش السيارات (https://www.masrmotors.com/vb/showthread.php?t=79953)

رد: عرض خاص من اليجانس لفرش السيارات

اقتباس:

المشاركة الأصلية كتبت بواسطة محمد التهامى (المشاركة 633953)

السلام عليكم
حضرتك انا معايا لادا 2105 وعاوز اغير الكراسى الاماميه واعملها كسوه نظيفه
ممكن تقولى سعر الكراسى الاماميه كام
وتكلفة كسوه كامله للعربيه كام
ولكم جزيل الشكر

عليكم السلام
اولا ياباشا نورت الموضوع بمشاركتك .
ثانيا انت لو عايز تغير الكرسيين عشان شكلهم مش عاجبك يبقى نشترى كرسيين بتوع عربية تانية شكلهم يكون اريح ليك ( وانا مش مع الفكرة دى لان اقل كرسى حالته كويسة هيلعب فى 500ج , وفى نفس الوقت هنروح لسمكرى عشان يعمل قواعد للكراسى الجديدة وعمرها ما هتطلع مظبوطة زى الكرسى الاصلى ) يعنى افضل بلاش نغير الكراسى .
ثالثا لو شكلها عاجبك بس الكراسى جابت اخرها هاتهالى وانا ارجعهالك جديدة وباقل تكلفة ممكنة .
رابعا سعر فرش اللادا ( جلد امريكى او المانى لون او اكتر وبالخياطة الدبل وضمان عامين ) 700ج قبل الخصم , 595ج بعد الخصم - دة بخلاف تجديد الكراسى وانا مش هاقدر احدد سعره غير لما اشوف الكراسى الاول - ولو بسيطة هتبقى مجانا ولو صعبة يبقى بسعر الاجزاء اللى هتتغير فى الكراسى بدون مصنعية - كله يهون عشان اعضاء مصر موتورز .

يارب تكون اجابتى افادتك , وفى انتظار شرف زيارتك لينا .

رد: عرض خاص من اليجانس لفرش السيارات

اقتباس:

المشاركة الأصلية كتبت بواسطة zmzm0000 (المشاركة 634043)

والله عداك العيب انت راجل محترم جدا بس للاسف متأكد ان الفرش اللي محتاجه مش جاهز عندك عالعموم دي صور الصالون
http://a7lashare.com/viewimages/0ad67f0219.jpg

http://a7lashare.com/viewimages/98931c0a4d.jpg
http://a7lashare.com/viewimages/479f32614d.jpg

واخد بالك الكنبه اللي وراء لوحدها 5 قطع غير المخادع الرأسيه
http://a7lashare.com/viewimages/b1370a0b0d.jpg
ويا سلام لو التصميم ده بقي اللي تعمل زي بتاع التيدا او الكروز واو توريني اي حاجه علي مزاجك بس قوللي حيتكلف كام بعد الخصم

ياباشا انا محترم بوجودى مع ناس محترمة زى اعضاء مصر موتورز , وتأكيدك فى محله ياباشا انا فعلا معنديش مقاساتها , الكنبة اللى ورا هتفضل 5 قطع وبنفس تقفيل الفبريقة واكيد مش هنلغى المخادع :) , انما موضوع التصميم عربيتك ماشاء الله صالونها تحفة وتصميم الفرش اكثر من رائع فاحنا هنشتغل على نفس التصميم بتاع الفبريقة وممكن نلعب بالالوان زى ما احنا عايزين يعنى مثلا ( قاعدة الكرسى فيها جنب يمين وجنب شمال وكل جانب فيه نصف دايرة لو ركزت شوية هتاخد بالك منه دة ممكن يتعمل لون مختلف عن باقى الكراسى ونفس الكلام فى قاعدة الكنبة والالوان كتير زى ما تحب ) ودة رأى الشخصى ونصيحة لان انا يهمنى ان عربيتك تخرج من عندى تمام التمام والموضوع يرجعلك فى التصميم والالوان , فكر وانا تحت امرك فى اى استفسار , والتكلفة 720ج بعد الخصم من ( 850 ) , وبرضه خد جولة فى صفحتنا على فيسبوك هتساعد فى اختيار الالوان او التصميم مع العلم ان اى تصميم ينفع يتعمل فى اى عربية ولكن هناك افضل تصميم شكلا وبلا ضرر على الفبريقة .

رد: عرض خاص من اليجانس لفرش السيارات

اقتباس:

المشاركة الأصلية كتبت بواسطة Moh.Osama (المشاركة 634496)

ربنا يخليك والله مش عارف اقولك ايه فعلا محترم وبلاش موضوع بخيل ده هههههه ويا سيدى المشاريب عندى وان شاء الله فى القريب العاجل هتشرف بالزيارة والتعرف على انسان ذوق زيك ندخل فى الشغل انا دخلت على البيدج وملقتش صور لى اللوجان مافيش رينو غير سينيك وفلونس انت معملتش حاجه للوجان قبل كده ولو عملت يا ريت بردو تورينى صور علشان الواحد يبقى عندوا فكر عن الشغل هيبقى عامل ازاى
ملحوظه متشرفتش باسمك انا محمد اسامه
:fun_36_3_11[1]:

والله ياباشا بتحرجنى بكلام حضرتك وطبعا الشرف لى فى انى اتعرف عليك , للاسف انا فعلا معملتش لوجان لسة ودة معناه ان عربيتك هتكون اول لوجان على صفحتنا , ولو حضرتك عايز تاخد فكرة عن الشغل فى حل من اتنين اولهم انك تبص على الفرش الاصلى وتبدأ تتخيل الالوان اللى انت عايزها دة لو هتعمل الفرش بنفس التصميم الاصلى , والثانى ان حضرتك تشرفنا بزيارة ونفكر مع بعض .

وخليك فاكر ياباشا انك قولت المشاريب عندك ههههههههههه ( بخيل بخيل يعنى مش اى كلام )

وانا اتشرفت بمعرفة حضرتك يا استاذ محمد , وانا اسمى احمد ريان ودة رقمى 01061203070 وفى انتظار زيارتك فى القريب العاجل .

رد: عرض خاص من اليجانس لفرش السيارات

اقتباس:

المشاركة الأصلية كتبت بواسطة RAYAN (المشاركة 634629)

والله عدا العيب وأزح هههههههههههه
تسلم ايديك ودماغك خلاص انا حفضي نفسي يوم وارتب معاك بالتليفون واجيلك يوم من اوله ونظبط المسائل والمعاينه تكون عالطبيعه والف شكر ليك يا ابو حميد

رد: عرض خاص من اليجانس لفرش السيارات

انا عندي نفس مشكلة الراجل الى من اسكندرية
انا من المنصورة فا هيبقى مشوار صعب فعلا عموما يا باشا انت شغلك بجد يستاهل اروح السلوم
مبدئيا انا عاوز اغير فرش كراسي كامل مع مخدع السائق مع فرش كامل للارضية مع جوانب الابواب مع السقف
افضل خامه وافضل تطريز وخياطة وتقريبا اللون هيكون بيج فى رصاصى العربية نوعها نيو اكسنت 2008
اعمل حساباتك يا باشا بس اخصم ثمن المشوار الى هجيهولك وشوف حوار ازاى اجيلك يا باشا وتخلصني بسرعة لاني يعنى ممكن اجي مع خطيبتي وعاوز الحق اروح الحسين شوية وارجع المنصورة قبل العشاء