hyundai I10 or suzuki maruti
 

سلام عليكم و رحمة الله و بركاته ,

دى اول مشاركة ليا فى المنتدى الجميل ده

المنتدى فعلا اكتر من رائع و فيه الكثير من الاعضاء الممتازين اللى افادونى كتيير اوى بمساعدتم لاعضاء اخرين و مواضيعهم المتميزة.

ده شجعنى انى اشاركهم حيرتى و خصوصا انى مبفهمش حاجة فى العربيات و كان ليا استفسار

عايز اشترى عربية و ديه ان شاء الله حتكون اول عربية اجبها و حتعلم عليها السواقة

انا مشاويرى قصيرة جوه القاهرة و لو سافرت يبقى مرة واحدة في السنة.

محتار اجيب ايه hyundai I10 or suzuki maruti انا عارف ان مفيش مقارنة بس انا خايف اجيب I10 و تتبهدل منى و انا بتعلم
كمان انا لو جيبت maruti حجبها كاش لكن لو جبت I10 حجبها تقسيط

اخر سؤال انا عارف رخمت اوى استحملونى معلش

ايه اقدم موديل ممكن اجيبوه زيرو من I10 و بكام؟؟؟؟؟؟


و أ\أحمد أنور رد عليا كالاتى
بس الحكاية مش زنقة بس انا خايف اجيبI10 مع سعرها المرتفع نسبيا عن الماروتى و بعدين بقلة خبرتى تبوظ او تتخبط

انا حطيط الموضوع هنا عشان استفيد باكبر قدر من الاراء

:260309~146:

رد: hyundai I10 or suzuki maruti
 

اهلا بيك يا استاذ جزار معانا
انا حقترح عليك حل تاني
طالما حضرتك لسه بتتعلم السواقه
يبقى هات مستعمل او كسر زيرو
لمده سنه مثلا تكون تمكنت من السواقه و حفظت شوارع المحروسه
وبعد كده حضرتك تبدل بالزيرو اللي تناسبك
خصوصا انك ممكن بعد السنه تحس انك محتاج عربيه اكبر من الماروتي او الاي 10 بعد ما تكون تمكنت من السواقه
لكن شراء عربيه زيرو يبقى الواحد مش حيفكر يغيرها قبل 5 سنين والا تبقى خساره فلوس .. حتى لو كانت ... ماروتي

رد: hyundai I10 or suzuki maruti
 

شكرا لاهتمام حضرتك أ/سام رام

إقتراح حضرتك بصراحة مفكرتش فيه قبل كده بس انا عندى استفسار

انا لو اشتريت عربية مستعملة او كسر زيرو و بعدين جيت ابيعها ده مش يقلل من تمنها؟؟؟؟؟

و بعدين ممكن الزيرو يغلى؟؟؟؟؟

معلش انا حتعبك معايا بس انا ابيييييييييييض فى موضوع العربيات ده

و على فكرة انا طالب جامعى يعنى معتقدش انى محتاج عربية اكبر مت كده حاليا و لا ايه رأى حضرنك؟؟؟؟

شكرا

رد: hyundai I10 or suzuki maruti
 

اكيد العربيات المستعمله مع الاستخدام سعرها بيقل برضو ...
لكن الزيرو مجرد انها تترخص و تعلق نمر سعرها بينزل اكتر
يعني مثلا لو فرضنا ان واحد اشترى عربيه زيرو و تاني يوم ما رخص و علق نمر باعها .. سعرها حينزل مبلغ محترم حسب سعر العربيه
حنفترض انها عربيه ب 80 الف كمثال
لو باعها تاني يوم الترخيص حتنزل من 4 الاف ل 6 الاف جنيه ..
اللي اشترى منه العربيه دي ممكن يستخدمها سنه بحالها وبعدين يبيعها ..تمنها حينزل الفين او تلاته بالكتير عن التمن اللي اشتراها بيه ... حنفترض ان تمنها بقى 72 الف جنيه
اما الاولاني اللي اشترى زيرو لو خلا العربيه معاه و فكر يبيع بعد سنه حيبيع تقريبا بنفس التمن اللي هو 72 الف (اللي هو قيمه انخفاض تمن الزيرو + تمن استخدام السنه)
علشان كده المستعمل بيقل قيمه الاستخدام بس
لكن الزيرو بيقل قيمه الاستخدام + المبلغ الاولي
اكبر خساره بتكون للي اشترى زيرو خصوصا كل ما يبيع بدري ..

بالتالي كل ما مده الاستخدام تزيد كل ما نسبه المبلغ الاولي دا تقل قصاد السعر الكلي

اتمنى اكون وضحت الدنيا مكلكعتهاش اكتر ptmnlo123per1127

وارد ان الزيرو يغلا .. لكن حاليا الجمارك حتقل عن الاوروبي من اول السنه و السوق هادي بسبب الازمه الاقتصاديه ...
فوارد برضو الاسعار تقل او على الاقل تثبت
مع العلم ان لما الزيرو يغلا او يقل المستعمل برضو بيغلا او يقل معاه بنسبه

رد: hyundai I10 or suzuki maruti
 

تمام اوى الكلام ده

المشكلة بقى انى مش معايا اجيب مستعمل و بعدين ابيعها و اجيب زيرو خاصة لو الزيرو سعره طلع........