|
تجارب الاعضاء مع شركات التأمين ؟
السلام عليكم و رحمه الله وبركاتة انا حبيت اعمل الموضوع دة علشان كل واحد مأمن فى اى من شركات التأمين .. يقولنا تجربتة الفعلية مع شركة التأمين الى مأمن معاها , و لو عندة اى مشكلة نحاول نحلها مع بعض و خاصة ان عندنا فى المنتدى هنا خبراء فى التأمين و دة قائمة باسماء الناس اللى هتشارك فى حل مشاكل الاعضاء أ / عمرو احمد ( قناة السويس للتأمين ) أ/ ميرنا حماية ( قناة السويس للتأمين ) أ / ايمان زكريا ( مصر للتأمين ) أ / حازم الحربى ( يتعامل مع كل شركات التأمين ) أ / احمد عباس ( المشرق العربى للتأمين التكافلى ) وياريت نبدأ كلامنا بالنقط المحدده دية الاول :- 1- اسم شركه التأمين الى مأمن معاها ؟ 2 - بتدفع نسبة قد اية من تمن العربية ؟ 3 - هل فى نسبة اهلاك ؟ وقد اية ؟ 4- فى حالة الخبطات والحوادث الشركة بتقولك ادفع وبعد كدة نديك الفلوس ؟ ولو حصل بيدوك الفلوس بعد قد اية ؟ 5 - هل شركة التأمين بتصلح العربية خارج مركز الخدمه المعتمد ؟ 6 - هل قابلت مشكلة مع مندوب شركة التأمين ؟ 7 - هل انتا راضى عن شركة التأمين الى انتا مأمن فيها ؟ ولو فى مشاكل تانية قابلتك ياريت تقولنا عليها وتحكيلنا (((( بالتفصيل الممل )))) حتى تعم الفائدة , و ان شاء الله نحاول مع بعض نحل اى مشاكل تواجة اعضاء المنتدى فى التأمين :iloveyou24: |
رد: تجارب الاعضاء مع شركات التأمين ؟
ان شاء الله نكون عند حسن ظنكم فى حل اى مشكلة باذن الله و اشكر زملائى و بالاخص استاذة ايمان و استاذة ميرنا و بقية الزملاء الكرام نتعاون من اجلكم مصر موتورز يقدم دائما الجديد :coptic_Thutmosis1S: |
رد: تجارب الاعضاء مع شركات التأمين ؟
تسلموا والله يا جماعه علي المجهود العظيم ده وربنا يجعلكم دايما في الخير وانا عن نفسي كنت مأمن تبع كونتكت كار في البداية اول ما اشتريت العربية وطبعا حصل معايا ان العربية مكنتش لسه عملت 3000 كيلو وواحد تقريبا مسطول ضرب 3 فرد كاوتش عندي بمطوه وطبعا الكاوتش كدا بالسلامه وطبعا كونتكت نشفت ريق اهلي شهر علي ما وافقوا انهم يدخلوا الكاوتش في التأمين طب الكاوتش ده مش هو اللي شايل العربية والناس اللي جواها يعني ده المفروض يكون اول حاجه في العربية تتأمن عليها
المهم طبعا بعد شهر من الجري وراهم وافقوا ودخلت الورش واتغيرت ودفعوني ساعتها 25% من قيمة التصليح مع اني مأمن بدون نسبة تحمل تأمين شامل طبعا من بعد الموقف ده حلفت ما انا متعامل تاني معاهم هو انا ادفع 2700 جنيه علشان اريح دماغي الاقي نفسي بتحمل 25% من التكلفة المهم نقلت من كونتكت لشركة قناة السويس وطبعا الاستاذه ميرنا جمايلها مغرقاني هناك لانها مخلتنيش احس اني بأمن علي العربية بس الحمد لله مفيش اي مشكله لاني متعاملتش في اي مشكله مع الشركة لحد دلوقتي وانا في شهر 9 الجي هبقي كدا مأمن بقالي 3 سنين في قناة السويس وربنا يسترها علينا جميعا وتحياتي ليكم كلكم وربنا يجعله في ميزان حسناتكم |
رد: تجارب الاعضاء مع شركات التأمين ؟
عاوزين نشوف اراء باقى الاعضاء ROSE4U |
رد: تجارب الاعضاء مع شركات التأمين ؟
أنا لسه مأمن جديد مع مصر للتأمين من يومين
وربنا يستر ومحتاجش منهم حاجة |
| الساعة الآن 05:40 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017