ارجو مساعدتكم في شراء سيارة مستعملة
 

السلام عليكم يا شباب انا ناوي اشتر سيارة مستعملة ان شاء الله فيات 131 و معايا تقريبا 20000 هل المبلغ ده كافي عشان اجيب عربيه محترمة و حضراتكم شايفين ايه اشتري من مواقع النت و لا اروح سوق السيارات اللي في مدينة نصر

رد: ارجو مساعدتكم في شراء سيارة مستعملة
 

اولا اهلا بيك فى مصر موتورز نورت المنتدى

ممكن تلاقى طلبك بس عايز تدوير كتير وتروح تكشف وتفاصل وتستخير وتستشير ده اللى هيوصلك لافضل عربيه بالميزانيه اللى معاك ان شاء الله وبالنسبة لتدور فين دور فى كل حته وخد بالك السوق فيه نصابين والنت فيها نصابين والمعارض فيها نصابين علشان كده لازم تكشف وتستشير اهل الخبره والثقه وتبقى مظبط ميكانيكى كويس يبصلك عليها ويتابع معاك صيانتها بعد كده
ومش بس المواقع والمعارض والسوق ممكن تسال فى الجراجات اللى حواليك واصحابك ومعارفك محدش عارف نصيبك فين

دور واحنا معاك ومبروك مقدماً

رد: ارجو مساعدتكم في شراء سيارة مستعملة
 

اشكرك اخي علي ردك بس حضرتك شايف بديل لفيات 131 لو ملقتهاش

رد: ارجو مساعدتكم في شراء سيارة مستعملة
 

السلام عليكم ورحمة الله وبركاته
اولا انا رجل عندي 51 عام ومبعرفش اسوق نهائيا وطبعا المشي بالنسبة لي اصبح صعب شوية ومحتاج السيارة ضروري لاني ممكن اسافر بيها مرتين في الاسبوع للسويس بعيد عني حوالي 140كجم ذهاب وعودة واطلعت على اراء الاخوة والابناء وكتير خوفوني من السيارات الفيات بجميع انواعه والشاهين من ضمنهم وكلهم مدحوا في نوعين بالنسبة للمبلغ الي معي وهو 35الف جنيه فقط هما الدايو والهيونداي اوائل التسعينات ومش عارف اوصل لحل الي يرى النصيحة لي يقدمها ويرشح لي سيارة تناسبني وانا من طبيعتي هادي بطبيعتي ولكم جزيل الشكر