مصر موتورز مجتمع السيارات - عايز اعمل رخصة ومش عارف انا تبع مرور ايه الله يخليكم افيدوني

مصر موتورز مجتمع السيارات (https://www.masrmotors.com/vb/index.php)

- المرور والشهر العقارى (https://www.masrmotors.com/vb/forumdisplay.php?f=89)

عايز اعمل رخصة ومش عارف انا تبع مرور ايه الله يخليكم افيدوني

السلام عليكم ورحمة الله
اولا حابب اقولكم اني بسوق العربية من زمان بس بدون رخصه سواقة وربنا كان ساترها
ودلوقتي انا جبت عربية على قدي ومش هينفع افضل ماشي بدون رخصة
المشكلة اني مش عارف انا تبع مرور ايه
ناس قالتلي اني تبع مرور الأميرية وناس تقولي انتا تبع مرور السلام

انا اقدر اغير عنواني في البطاقه لكذا مكان
بس الاول عايز اعرف انا تبع مرور ايه في كل عنوان

عنواني الاولاني في البطاقه اني ف 11 ش محمد الامين في المطرية
وممكن اغيره ل 25 ش الزيتون
وممكن اخليه 8 ش احمد علي حسين في التجنيد
وممكن اخليه 3 شارع المدينه في النزهة الجديده

ياترى كل عنوان من دول تبع مرور ايه

اخواني الموضوع بجد سيرياس ووقتي لايسمحلي اني اقضي يوم بحاله في المرور
وانا معنديش مشكله اني امتحن
المهم الورق والرخصه تطلع في نفس اليوم
وده اللي اعرفه انه مستحيل يتم في مرور السلام

بجد اخوكم محتاج مساعدتكم

منتظر ردودكم مشكورين

اخوكم حازم
تحياتي

رد: عايز اعمل رخصة ومش عارف انا تبع مرور ايه الله يخليكم افيدوني

نصيحه لوجه الله
ابعد عن مرور السلام نهائيا ها تكره اليوم اللي خلاك تتعامل فيه مع مرور السلام
مرور الاميريه ممتاز
خليك شارع 25 الزيتون
او النزهه الجديده
ابعد عن التجنيد لانه ممكن يكون تبع السلام لو انت ساكن في الجهه الشمال من جسر السويس حتي مدينه السلام
وطبعا المطريه سلام اكيد

رد: عايز اعمل رخصة ومش عارف انا تبع مرور ايه الله يخليكم افيدوني

ألف شكر ياعزيزي
انا حابب اتأكد هل 25 ش الزتون اكيد تبع الاميرية؟
لان ده اسهل واحد اقدر اغير بطاقتي عليه

تحياتي

رد: عايز اعمل رخصة ومش عارف انا تبع مرور ايه الله يخليكم افيدوني

ياريت ياشباب حد يأكدلي ان 25 ش الزيتون تبع الأميرية

تحياتي

رد: عايز اعمل رخصة ومش عارف انا تبع مرور ايه الله يخليكم افيدوني

طيب ما تخطف رجلك لمرور الأميرية وتسألهم

بتهيألى يبقى المعلومة موثقة علشان مترجعش تندم

بالتوفيق ان شاء الله