مصر موتورز مجتمع السيارات - تجربة شراء كورولا عيون 99

رغم عدم تفكيرى بها نهائيا واحد مع اخويا فى الشغل عرض عليه العربية دى لما عرف اننا بندور

هى تويوتا كورولا 99 عيون 1300 مانيوال تكييف وباور وسنتر بس الزجاج عادى لونها زيتى
وعاملة 200000
(1)بالنسبة للموتور المشكلة الوحيدة ان فى نشع زيت من تحت لما رفعت العربية وهو قالى ان غير الاويسيلات بس انا حاسس ان الترشيح ده جديد بس الموتور كويس صوته هادى ومفيش دخنة من الشكمان ولا نتش ولا فرقعة هى بتكركر شوية ع الاول والتانى بسيط جدا وصاحبها بيقولى انها كان محطوطلها بنزين 80 علشان كده بتكركر وقياس كبس الموتور بيقول انه 70 %
(2) التكييف كويس الباور فى الدريكسيون كويس العفشة ممتازة مفيش اى احساس بالمطبات ولا اى اصوات نهائى الصالون والتابلوه والفرش معقول كاسيت بايونير شغال كويس بس السمعات مش قد كده
(3) الكهرباء مافيهاش مشاكل اوى والفوانيس زينون والاشارات كلها والمساحات والعدادت شغالة تمام
(4) نيجى بأه للانة... العربية راشة بره وفى خبطة بسيطة فى الشاسيه من تحت ورا العجلة اليمين قدام والرفرف اللى ورا يمين برضو مردود ع البارد وفى خبطة الكبوت بسيطة بس فى حتة مفروقة كده بسيطة مش مأثرة ع القفل العربية من تحت فلة شمعة منورة مفيش اى مشاكل الا خبطة الشاسيه والعفشة مجددة بالكامل وبانت فى الطريق واحنا ماشيين حاجة لوز
المشكلة باه اللى مخليانى متردد ان فى شغل سمكرة معمول فى القوايم الاربعة تقريبا كلهم بس العتب سليم هى الحتت اللى فى القوايم اللى بالطول وصاحبها بيقولى علشان كانت مركونة فترة والمية بتركن فى الحتت دى عملت حتت بارومة صغيرة واتظبطت والسنطة سليمة بس فى عوجة من جوه حوالين القفل علشان الرزع بتاع الشنطة عوج الحتة دى
والعربية من بره مافيهاش خدوش تذكر
(5) الكاوتش : جنوط سبور وكاوتش شبه جديد نقدر نقول مثلا ماشى 20000 تقريبا والراجل بيقول لسه مغير طنابير مع العفشة وتيل وعامل طقم سرفيس

المشكلة هنا باه انى مقتنع بالعربية دى جدا وبصراحة مقارنة باللانوس اللى مع ابن عمى 2004 مفيش مقارنة اصلا نعومة وسحب وعفشة ممتازة وتكييف تمام
بس موضوع انها راشة قوايم ده بيلعب فى دماغى وحكاية نشع الزيت ده برضو بيلعب فى دماغى وانا دلوقتى محتاج مشورتكم ... انا لما سالت الراجل اللى بيكشف ع العربية قاللى هى كركوبة هتريحك ومفيش مشاكل هتلاقيها بالنسبة للميكانيكا والعفشة بس هتبقى تقيلة فى البيع علشان موضوع الدواخل ده ([color="rgb(255, 0, 255)"]كالتكس اخر عباس)
عموما هى معروضة عليا ب 40 الف والراجل معرفة وهو قالى ع العيوب قبل الكشف بس فى حجات هو نفسه ماكنش عارفها لانه جايبها جديد من كام شهر وبيبيعها علشان مسافر ومزنوق فى فلوس
وهو هياخد 15 الف والباقى بعد كام شهر
ايييييييييييييه رأى الشباب واسف على التطويل :b4_556: [/color]