محتار اختار مين فيهم
السلام عليكم ورحمه الله وبركاته
بصوا ياشباب انا معايا حوالي من 35 الي 40 الف وايز اجيب عربيه....ودي اول عربيه اجبها...يعني تقدروا تقولوا هتعلم فيها وهخبط فيها...المهم عايز عربيه تكون قطع غيارها رخيصه وتكون موفره في مصاريف التشغيل سواؤ البنزين او الصيانه....وياريت تكون عاليه عن الارض فكرت في الشاهين والانوس والنوبيرا والتمبرا والـ 405 والاكسيل والاكسنت ياريت تفيدوني في الموضوع ده ولو حد عنده عربيه بره العربيات دي ياريت يقولي...ومتنسوش ان دي اول عربيه ليا..يعني انا مش مهم اني اجيب عربيه غاليه شويه...بس مش عايز اصرف عليها كتير منتظر الردود....سلااااااام |
رد: محتار اختار مين فيهم
ارشحلك اللانوس ثم الشاهين وبلاش نوبيرا وتمبرا عشان قطع الغيار وسعر اعاده البيع
|
رد: محتار اختار مين فيهم
تمام...طب ايه رايك في الـ 405
|
رد: محتار اختار مين فيهم
انا ميال للشاهين لان دي اول عربيه ليا والشاهين قطع غيارها رخيصه وعاليه عن الارض ...بس ياتري فيها عيوب ؟؟....انا مثلا سمعت ان الكرونه بتاعتها مش تمام خصوصا في السرعات العاليه ...فهل ده حقيقي؟
وانا لسه محتاج اعرف ارائكم بالنسبه لباقي العربيات ..او اي عربيه تانيه تشوفها مناسبه... والف شكر:GROWIN~12: |
رد: محتار اختار مين فيهم
بص يا سيدي طالما إنك لسة بتتعلم يبقى بلاش تجيب عربية بالفلوس إلا معاك كلها، هات حاجة حنينة شوية؛ لأنك هتحتاج مصاريف لحد لما تتعلم ، يعني تخبط العربية كدة، سواقتك هتبقى ناشفة شوية وفيها أخطاء كثير هتبوظ حاجات في العربية ناهيك عن مصاريف الترخيص والذي منه.
فرأيي هات اكسيل بحالة جيدة هتبقى في حدود من 28- 30 ألف، عربية ممتازة وقطع غيارها كثير وأسعارها كويسة، وبعد ما تتعلم سهل تبعها وتزود وتجيب حاجة أعلى. وربنا يوفقك. |
الساعة الآن 10:34 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017