روحت لعافشجى عشان تصفيروتزيقm11
روحت لعافشجى هوصاحبى قولتله دلوقتى فى صوت تصفير وتزيق قالى ياله نجرب واخدنا واحد كمان ركب وره عشان يشوف الدنيا مشيا ازاى ورحنا فى حته كلها مطبات نزل العافشجى قعد يحرك الجنط الى وره التزيقه موجوده المهم نزل تحت الجنط مش عارف عمل ايه الصوت منع شويه قالى العربيه عايزه تربيط وتزبيط قالى جلب المقسات الى وره--قالى اركب صاحبى الى كان راكب وره هو سروجى عربيات -- قال فى تزيق فى الزجاج الخلفى بردوه --المهم العافشجى قالى انت ماشى بيها ازاى المهم واحنا ماشين مره واحده راح عند حته كلها زلط وتراب وراح مفرمل قالى aps بتاعه جامد قالى متقلش العربيه بسم الله -الله اكبر جميله -قالى بس هتجبهالى بدرى عشان نشتغل صح وهنزبط الاربع فرد- وهنزبط الزجاج -- يامسهل يارب --المهم بقوله هيه ولا الافيو ولا الاكسنت قالى افيو مين واكسنت مين دى اتقل منهم فى الوزن والسحب كمان انا بقول الله اكبر-قالى هى المشكله قطع الغيار غير كده العربيه جميله وما تعبش فى اى حاجه بقوله طيب اروح التوكيل قالى توكيل مين التوكيل مش هيزبط عشان بيكون عنده ناس كتير مش هيفضه لكل واحد بيقلب الكل عشان يخلص بدرى بدرى انتو رئيكم ايه فى الكلام ده فعلا زى ما بيقول التوكيل بيقلب----- معلش انا طولت عليكم
|
رد: روحت لعافشجى عشان تصفيروتزيقm11
إن شاء الله طالما العفشجى ده معرفة و أمين يبقى هيظبطلك العربية أحسن من التوكيل فعلا
التوكيل مشكلته الزحمة فبيعمل الحاجات الأساسية فقط و غللى بتجيبله فلوس زى تغيير الزيت و الفلاتر و السيور لكن تربيط العفشة و الحاجات دى ساعات كتر بيطنشو على إعتبار إنها مش ملموسة قوى و رغم كده التوكيل مهم جدا علشان الحفاظ على الضمان اللى فيه ناس كتير جدا إستفادت منه فنصيحتى ليك أعمل الصيانات الدورية مع التوكيل علشان تحافظ على الضمان و دى هتشمل تغيير الزيوت و الفلاتر و السيور و البلى و البوجيهات و ممكن تيل الفرامل أما أى مشاكل تانية تقابلك حلها بعيد عن التوكيل و خصوصا تربيط العفشة و ظبط الزوايا و مشاكل الكهربا السيطة إن شاء الله تعمل صيانة ناجحة و تروح كل الأصوات و المشاكل إللى التوكيل بيطنشها |
رد: روحت لعافشجى عشان تصفيروتزيقm11
مبروك نجاح التجربة و ربنا يهنيك بعربيتك
|
رد: روحت لعافشجى عشان تصفيروتزيقm11
شكرا يااخ حازم على المتابعه
|
الساعة الآن 11:23 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017