رد: يوميات سيترونتى........ الـ AX
اقتباس:
انا خلصت يوم الخميس ورجعت المرج والدنيا اتقلبت السبت والقلق حصل بعد ما مشيت وربنا مايحرمناش منك واى حاجه هحتاجها هقولك على طول |
رد: يوميات سيترونتى........ الـ AX
اقتباس:
ومش هخيب ظنك وبإذن الله احاول احط اخر التطورات اول بأول |
رد: يوميات سيترونتى........ الـ AX
معانا كام تصويرة عشان تحسوا بالمتابعة لحين الصور النهائية ان شاء الله
نكمل الشغل ............... عشان الصور المره دى قليلة هحط تعليق برضه تحت الصورة غير التعليق اللى عليها http://www.masrmotors.com/vb/picture...pictureid=3346 الاسطى احمد هنا بيلمع الكاوتش بمادة كده من عنده قالى انها تقعد حوالى شهر تخلى الكاوتش يبرق لكن للاسف شوارعنا مابتخليش الواحد يتهنى بالنضافة وخصوصا فى امبابة كلها شوارع متربة ومكسر فا مافيش مجرد ماروحت مشوار التراب غطى الشغل النضيف اللى حضراتكم شايفينه ده http://www.masrmotors.com/vb/picture...pictureid=3347 حته كماليات كده ع الماشى كسوه تاره بالبتاع(مش عارف اسمه ايه) اللى بتحط على حزام الامان http://www.masrmotors.com/vb/picture...pictureid=3348 هنا وهوه متعلق اعتقد متناسق مع اللون البيج الجديد مش كده؟؟؟ http://www.masrmotors.com/vb/picture...pictureid=3349 الكسوة راكبة لكن بعد ما مشيت بالعربية شوية حسيت انها محتاجه(تخشينة تحتها) الظاهر ان التارة الجديدة من كتر ماهى نظيفة ناعمة ع الاخر وبتخلى الكسوة دى تتزحلق بسيط عشان كده هركب جزء من الكسوة القديمة تحتها http://www.masrmotors.com/vb/picture...pictureid=3350 بعد رش الجنط وتلميع الكاوتش بقى منتهى النظافة ومش محتاج طاسات بس الطاسات هتنطق العجل http://www.masrmotors.com/vb/picture...pictureid=3351 كنت وعدت الاسطى احمد انه هو اللى هيركب الطاسات الجديدة لانه بيحي الفينيش جدا عشان كده اسمة احمد فينيش وكمان بيتعامل مع الحاجه بحذر واهتمام (الله يبارك له) http://www.masrmotors.com/vb/picture...pictureid=3352 لقطة كده لاول طاسة افتتحنا بيها العربية http://www.masrmotors.com/vb/picture...pictureid=3353 صورة للعجلتين ورا وقدام مع بعض http://www.masrmotors.com/vb/picture...pictureid=3354 اخر طاسة بتركب ورا وهنشوف الجنب كله فى الصورة اللى جاية http://www.masrmotors.com/vb/picture...pictureid=3355 ده الجنب من بعيد شوية عشان البرفايل يبان اكتر واخدين بالكم الاسطى احمد واقف ورا العربية ازاى؟؟؟؟ فى حاله تأمل شديد http://www.masrmotors.com/vb/picture...pictureid=3356 الراجل ده بقى تعب معايا جدا جدا جدا واحب اقول اول انطباع عنه (كان قبل كده مش المره دى) سألته على مكن زجاج خلفى بالتركيب قاللى ينفع بكام؟؟ 350 المشكلة مش فى كده اللى لفت نظرى تعامله المقفول والرد قطم بعد تكرار السؤال بصراحة ( وقولت له الكلام ده) اخدت انطباع انه (إتم) وحاسس انه تايه على طول لا حوار ولا معاملة ولا حتى هات وخد فى الكلام زى مايكون مش عايز يشتغل لكن............... بعد ما روحت له عشان يظبط السنتر والابواب لاقيته حاجه تانية خالص!!!!!!!!! حبوب وبشوش ويتصاحب قبل مايكون صنايعى وعند صبر جامد وفاهم فى شغله ومابيعملش غير الصح حتى لو متعب او هياخد وقت والشهاده لله تعب معايا كتير وبقيت رايح جاى عليه عشان اى حاجه كانت بتعلق من غير سبب واضح(زى مايكون راكبها عفريت..ههههههه) لدرجه انه بقى يستغرب زيى بالظبط بس كان بيصبر ويظبط ويفك ويركب الفرش كذا مره وكفاية انه قعد معايا فى يوم من ساعة ما فتح لغاية 2 بالليل مش شغال غير فى عربيتى وكمان روحت لكذا واحد عشان اعمل سنتر للشنطة اللى يقولى ما ينفعش واللى يقولى مش عارف فيها ايه وهوه الوحيد اللى عملهالى فى 10 دقايق ومايعرفش حاجه اسمها ماينفعش وكمان ظبط لى كالون غطاء تانك البنزين على مفتاح الكونتاكت عشان يبقى مفتاح واحد للعربية كلها يشغل كل حاجه بوجه له التحية والشكر والتقدير وبقولة تشكر يا عم سامح عملت الواجب وزيادة http://www.masrmotors.com/vb/picture...pictureid=3357 الصورة دى لاسامة وانا واقف عند سامح (ماهو المحلين جنب بعض وهوه وسامح اصحاب) اللقطة بعد ما اخدتها عجبنى جدا تعبير وشه ووقفته وايديه فى جنبه وعشان انا بحب التفاصيل وقوه الملاحظة لقيت الصورة كلها تفاصيل فحطيتها فى الموضع برضه http://www.masrmotors.com/vb/picture...pictureid=3358 دى بقى وهوه واقف سرحان فى دنيا تانية وعلى وشة ابتسامة بشوشة مخفيه http://www.masrmotors.com/vb/picture...pictureid=3359 الصورة دى عجبتنى جدا رايييييييييقة ع الاخر واللى مروقها اكتر الوش السِمح اللى فيها وتشكر ياعم اسامة على الشغل اللى عملته وانا عارف انى زهقتك بحاجات صغيرة وتافهه بس انت برضه كنت بتطاوعنى وتريحنى فألف شكر يا ريس لغاية هنا خلصت صور النهارده وان شاء الله هحاول انهى الموضوع على يوم الجمعة اللى جايه بأمر الله بعد اللمسات النهائية وتفنيش بعض الامور وتابعوا معايا....... |
رد: يوميات سيترونتى........ الـ AX
ايه الجمال ده كله يا باشا بسم الله ما شاء الله
|
رد: يوميات سيترونتى........ الـ AX
اقتباس:
ده بس من ذوقك |
الساعة الآن 10:47 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017