مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   تأجير السيارات (https://www.masrmotors.com/vb/forumdisplay.php?f=92)
-   -   مشاكل تاجير السيارات ؟ (https://www.masrmotors.com/vb/showthread.php?t=2920)

MoSHaX 18-10-2008 04:53 AM

مشاكل تاجير السيارات ؟
 
انا حبيت افتح موضوع تاجير السيارات دة ومكاتب تاجير السيارات .. لعدة اسباب اولها لانى انا بسمع عنها من زمان وعن مشاكلها لاكن الحمد لله مأجرتش عربيات
لغاية ماطلعت رخصة وجبت عربية ولاكن اما كنت فى الصعيد اضريت انى اروح ااجر عربية من احدى مكاتب التاجير وافضلهم من حيث السمعة على اقوال المعارف
المهم رحت واستفسرت على الانسر قالى العربية دى علشان الناس الى جاية معاك والواجب هحسبلك اليوم بـ 250 جنية ... قولت مش مشكلة قالى كمان هتمضى
على 3 شيكات على بياض ptmnlo123per130 وعقد ايجار قولتلة لا شكرا ptmnlo123per198 وروحت مشيت ..... نرجع لموضوعنا الاساسى ... هل الكلام دة حق صاحب المحل ولا اية ؟؟؟
انا الى اعرفة انى عقد الايجار دة كفاية لوحدة وبيضمنلة حقة ؟؟؟ و لية 3 شيكات على بياض والعربية اساسا متامن عيها ...؟؟ وانا سمعت كتير عن ناس اجرت عربيات
وخبطتها خبطة بسيطة متكلفش 500 جنية بلاقيهم بياخدو منهم 3000 او 4000 ويقولو دة تمن تصليحها فى الوكيل او خربشة بسيطة فى الاكصدام ويقولو غيرلى الاكصادم كلة
كمان سمعت من واحد محامى انو واحد اجر عربية ومضى شيك ورجع العربية وتمام وخد الشيك بتاعة ولاكنة فوجى بعدها بان شخص قدم الشيك للنيابة وطبعا
الى حصل ان صاحب محل تاجير السيارات ادالة شيك مزور واخد هو الاصلى مكانة .... كمان ساعات كتير بيحصل انو الشخص بيكون واخد العربية فيها حاجة بايظة او حاجة
خلاص هتبوظ من سوء استعمال الاخرين وتيجى فى وشة هو ويدفع تمنها..... فى كل الحالات بيكون الشخص الى بياجر دة ممسوك من ايدة الى بتوجعة؟؟
وطبعا اغلب الى بيوقعوا فى المشاكل دى الشباب .. لقلة خبرتهم او للتهور او .. او ... وطبعا علشان يتمنظر بالعربية او علشان يوم فسحة يخسر قدامة كتير ....ptmnlo123per164
ياريت الناس الى تعرف اى حاجة عن موضوع تاجير السيارات دة ياريت تفيدنا بيها والى بيفهم فى القانون ياريت يقولنا اية الاحتياطات الى تتعمل علشان الواحد
ميقعش فى مشكلة وياريت الى حصل معاة اى موقف فى الموضوع دة يحكيهولنا علشان الكل يستفيد منة ؟؟

محمد حنفى 19-10-2008 11:45 PM

رد: مشاكل تاجير السيارات؟؟؟
 
اقتباس:

المشاركة الأصلية كتبت بواسطة moshax (المشاركة 8414)
انا حبيت افتح موضوع تاجير السيارات دة ومكاتب تاجير السيارات .. لعدة اسباب اولها لانى انا بسمع عنها من زمان وعن مشاكلها لاكن الحمد لله مأجرتش عربيات
لغاية ماطلعت رخصة وجبت عربية ولاكن اما كنت فى الصعيد اضريت انى اروح ااجر عربية من احدى مكاتب التاجير وافضلهم من حيث السمعة على اقوال المعارف
المهم رحت واستفسرت على الانسر قالى العربية دى علشان الناس الى جاية معاك والواجب هحسبلك اليوم بـ 250 جنية ... قولت مش مشكلة قالى كمان هتمضى
على 3 شيكات على بياض ptmnlo123per130 وعقد ايجار قولتلة لا شكرا ptmnlo123per198 وروحت مشيت ..... نرجع لموضوعنا الاساسى ... هل الكلام دة حق صاحب المحل ولا اية ؟؟؟
انا الى اعرفة انى عقد الايجار دة كفاية لوحدة وبيضمنلة حقة ؟؟؟ و لية 3 شيكات على بياض والعربية اساسا متامن عيها ...؟؟ وانا سمعت كتير عن ناس اجرت عربيات
وخبطتها خبطة بسيطة متكلفش 500 جنية بلاقيهم بياخدو منهم 3000 او 4000 ويقولو دة تمن تصليحها فى الوكيل او خربشة بسيطة فى الاكصدام ويقولو غيرلى الاكصادم كلة
كمان سمعت من واحد محامى انو واحد اجر عربية ومضى شيك ورجع العربية وتمام وخد الشيك بتاعة ولاكنة فوجى بعدها بان شخص قدم الشيك للنيابة وطبعا
الى حصل ان صاحب محل تاجير السيارات ادالة شيك مزور واخد هو الاصلى مكانة .... كمان ساعات كتير بيحصل انو الشخص بيكون واخد العربية فيها حاجة بايظة او حاجة
خلاص هتبوظ من سوء استعمال الاخرين وتيجى فى وشة هو ويدفع تمنها..... فى كل الحالات بيكون الشخص الى بياجر دة ممسوك من ايدة الى بتوجعة؟؟
وطبعا اغلب الى بيوقعوا فى المشاكل دى الشباب .. لقلة خبرتهم او للتهور او .. او ... وطبعا علشان يتمنظر بالعربية او علشان يوم فسحة يخسر قدامة كتير ....ptmnlo123per164
ياريت الناس الى تعرف اى حاجة عن موضوع تاجير السيارات دة ياريت تفيدنا بيها والى بيفهم فى القانون ياريت يقولنا اية الاحتياطات الى تتعمل علشان الواحد
ميقعش فى مشكلة وياريت الى حصل معاة اى موقف فى الموضوع دة يحكيهولنا علشان الكل يستفيد منة ؟؟




موضوع الـ 3 شيكات مبالغ فيه اوى من المكتب
المفروض هو وصل امانه واحد ومكتوب فيه ثمن العربيه فقط لأننى مريت بهذه الظروف من قبل
بس الحمد لله كنت برجع العربيه سليمه مفهاش خدش وكنت بستلمها كويس جداً وبراجع عليها من كل شئ وأيضاً انا مأجر سيارة لى بأحد المكاتبوعارف النظام بتاعهم

AbOnOrA 20-10-2008 12:21 AM

رد: مشاكل تاجير السيارات؟؟؟
 
والله يا مشاكس الموضوع ليه جوانب كتير

اولا انا الحمد لله حتى الان عمرى ما اجرت عربية بنفسى بس ايام العزوبية كنا متعودين (انا واصدقائى) ناجر عربيات كلنا فى مناسبات معينة يعنى فرح واحد صاحبنا فكنا نأجر عربية نروح بيها كلنا ونمشى معاه بيها فى الزفة
رايحين مصيف نأجر عربية وهكذا

وبصراحة اكتر العربيات كانت بتبقى تعبانة (لاننا بنسترخص برضو) وكتير كان بيضرب مننا فرده كاوتش ونلصمها ونرجعها او حكة اكصدام وحاجات زى كده خفيفة

بس فى نطاق اوسع شوفت اصدقاء كتير بيتبهدلوا ويبهدلوا اهاليهم بمشاكل الايجار ياخد العربية ويمضى على بياض (ساعات) ويخبط العربية والمعرض يبتزة لحد ما يطلع عينة (خد بالك فى الفترة ديه من 5 - 6 سنين مكانش فيه تامين بالشكل المعروف دلوقتى بردو)

بس علشان الواحد يقول اللى ليه واللى عليه برضو بيحصل الاتى

انا واحد عندى عربية بديها لمكتب ايجار يأجرها الشخص اللى أجر العربية بيخبطها او بيعمل بيها مصيبة
حتى لو العربية مؤمن عليها فالعربية بتعطل شهر واتنين لحد ما تتصلح والشهر والاتنين دول فلوس بتضيع على المكتب وعلى صاحب العربية

المصيبة التانية ان ممكن اللى بيأجر العربية يستغلها فى جريمة ( سرقة - نقل مخدرات - اعمال منافية للاداب )
وساعتها العربية بتحجز عليها وتخش فى مشاكل برضو بتاخد وقت لحلها

وفى الحالتين عقد الايجار مبيبقاش كفاية للضغط على اللى عمل المشكلة الا لو كان فيه ايصال امانة او شيكات

لاكن انا منصحش بالايجار بالنظام ده خالص برضو وربنا يسترها على الجميع

lancer.style 11-12-2008 12:02 PM

رد: مشاكل تاجير السيارات؟؟؟
 
انا لما بيبقى عندى فرح واحد صاحبى و والدى مبيرضاش يدينى العربية بقبى عايو اجر عربية بس الى بيرجعنى موضوع الشيك على بياض لان انت مهما كنت سواق محترف متضمنش البهايم الى ماشيين فى الشوارع


و انا الصرحة مش قادر اتوقع صاحب المعرض هيعمل اية ب الشيك الى معاة بتخيل انة هيحبسنى

عشان كدة اروحها مشى ولا اجر عربية (اخر حاجة ممكن افكر فيها)

abdalla45 21-02-2009 11:00 PM

رد: مشاكل تاجير السيارات؟؟؟
 
نا بصراحه فكرت اكتر من مره انى أاجر عربيه فى مناسبات معينه يعنى عشان مبهدلش عربيتى واتفقت قبل كده مع صاحب معرض بس رجعت خفت من الاوراق والحاجات دى وقلت ابعد عن الشر وغنيله


الساعة الآن 12:26 PM.

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017