صوت خشن و عالى عند تدوير العربيه
السلام عليكم
ازيكم يا احلى منتدى سيارات فى مصر اتمنى تكونوا كلكلم بخير بصوا بقى يا جماعه مشكلتى فى عربيتى لانسر البطه ان بيحصل الاتى : بقالى فتره لما اجى ادور العربيه بسمع صوت خشن وعالى وبيروح لما ابدأ اتحرك بالعربيه وامشى بيها شويه وكمان مؤشر الحراره بياخد وقت لما يتحرك للنص وطول ما انا ماشى بالعربيه بسمع صوت حركه سير الدينامو اثناء ما العربيه بتاخد سرعتها وكنت لسه مغيره مش عارف فيه علاقه بكل الحاجات ديه مع بعض ولا لأ ؟؟؟ ارجو المساعده و جزاكم الله خيرا |
رد: صوت خشن و عالى عند تدوير العربيه
شوف السيور ممكن يكون الصوت منها ولما بتمشى وبتسخن بيروح الصوت والله أعلم
|
رد: صوت خشن و عالى عند تدوير العربيه
فعلا ممكن يكون السبب من السيور إن نوعها مش حلو
|
رد: صوت خشن و عالى عند تدوير العربيه
شيك كمان علي زيت الفتيس لأن ده حصل معايا وراح الصوت لما زودت زيت الفتيس
|
رد: صوت خشن و عالى عند تدوير العربيه
صوت الخشانه من زيت الفتيس بنسبه كبيره
اما السيورعايزه تتشد بس مافيهاش حاجه وموضوع المؤشر طبيعي جدا |
الساعة الآن 04:11 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017