|
تيجو 2000 أتوماتيك و الجيربوكس...مطلوب رأي فى الماهينرا 2011
أنا عندى tiggo 2000 AT و لكن فيه مشكلة فى الجيربوكس و رحت التوكيل 3 مرات بدون حل ..و لكن مش هسيب حقى و هفضل وراهم لإن العربية لسه فى الضمان..المشكلة تتلخص إن يوميا بعد التشغيل و عند السير السيارة تقفش و كأنها غيرت النقل لسرعة أقل و تضاء لمبة الجيربوكس و عند إعادة التشغيل تطفاء اللمبة و أنا و حظى يا تعملها تانى يا لاء و لكن المشكلة إن السحب بطىء و العدادات بتلعب و عداد السرعة كمان !!! و كل دة فى خلال الساهة الأولى و بعد كدة ترجع عادى ...و لكن الموضوع مستمر يوميا و التوكيل محتاج توكيل !!!!
.و بصراحة نفسى فى الماهيندرا الجديدة و لكن نفسى أسمع أراء الناس اللى أستعملوها فعلا و خاصة الديزيل......برجاء الإفادة |
رد: تيجو 2000 أتوماتيك و الجيربوكس...مطلوب رأي فى الماهينرا 2011
أنا مش عارف
هو الموضوع عن مشكلة الفتيس فى التيجو و لا الموضوع عن الماهيندرا على العموم لو موصلتش لحل مع التوكيل يجب اﻹستعانة بجهاز حماية المستهلك (جهاز حماية المستهلك) تليفونات عنواين أما الماهيندرا ففيه مواضيع كتير عنها بس فى قسم السيارات الهندى TATA TATA |
رد: تيجو 2000 أتوماتيك و الجيربوكس...مطلوب رأي فى الماهينرا 2011
أنا كان عندي نفس المشكلة برضه في ال Tiggo 2000 - و رحت التوكيل و فضلوا ورا العيب ده لغاية ماأكتشفرا أن اللخبطة كانت في ضفيرة العربية و حتي الأن لم يتكرر العيب ده تاني و الحمدلله
|
رد: تيجو 2000 أتوماتيك و الجيربوكس...مطلوب رأي فى الماهينرا 2011
على فكرة عملت الحركة دى مرتين معايا الأولى : وهى سخنة و واقف فى إشارة ورجعت على طول التانية : الصبح وهي باردة فى تكنو2 عملوا تحديث للسوفت ويير ولحد دلوقت الحمد لله تمام بس وأنا هناك لقيت واحد بيشتكى برضو من نفس القصة وعرفت منهم إن المشكلة ممكن تكون سوفت بس أو لاقدر الله فتيس |
| الساعة الآن 09:16 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017