مصر موتورز مجتمع السيارات - مزيل للصدأ ... صناعة محلية ... بأيدى مصرية 100%

السلام عليكم
طبعاً ده إعلان عن منتج رائع مزيل للصدأ بل و عن تجربة بيحمى الصاج فيما بعد من الباروما (ربنا يكفينا شرها)

المنتج مصرى 100%, و سريع المفعول و سعر العبوة 50 قرش!!!:Bravo:
نقول من الأول: كنت بأعمل شغل سمكرة و العربية طولت عند السمكرى 15 يوم و لاقيتها بدأت تصدّى, حاولت أعملها بالصنفرة بس فيه زوايا و فروقات مستحييييل الصنفرة توصلها.
دخلت و دعبست عالنت على مزيل للصدأ سبراى, طبعاً لاقيت WD40
و لقيت طريقة عمل مزيل صدأ منزلى:
- كيس بيكينج بودر (بتاع الكيك و العجائن و المخبوزات)
- نص ليمونه أو شوية خل
بس كده

- فضّى الكيس فى أى حاجه بلاستيك أو زجاج(بلاش معدن)
إعصر عليه الليمونه أو شوية خل لحد ما قوامها يبقى زى الكريمه (هتلاقيه بيفور)
بفرشاه أسنان قديمة و إدهن المكان اللى فيه صدأ و سيبة لحد ما الفوران ينتهى (بعد 1-3) دقائق.
هيتحول لون الخليط من الأبيض إلى البنى و هيزيل الصدأ بأمر الله و كمان أبقى قابلنى لو صدت تانى.
نضفه بأى حاجه ناشفه.

http://www.ehow.com/video_4950785_ma...t-remover.html