مشكلة مش لذيذة في 127 توب ايطالي .. حصلت النهاردة معايا
 

السلام عليكم ..

ولله يا جماعة باختصار شديد العربية كانت الحمدلله ماشية زي الفل روحت بيها ركنت لقيتني سايب مسافة كبيرة قدامي بعد ما قفلت العربية .. قولت اطلعها قدام .. جيت ادورها لقيتها مش بدور والكونتكت \ المارش بيعمل تك تك كان البطارية فاضية ...

المهم اضايقت حبتين روحت ونزلت تاني .. لقيتها بتجيب بس مش بدور رعشة الماتور في المارش بتتاخر ..

وبعدين مبدورش تاني ... قولت خلاص اشوف نور العربية وكده لقيته كويس نسبياً الحمدلله والبطارية لذيذة هي بطارية مية\ اصلاً ..

ولكن الحمدلله .. خليت صحابي يزوقوها يدوبك اتحركت مترين وعالتاني جابت معايا ودارت على طول .. المشكلة بقى انها بقتت بتتاخر في الدوران ولما دارت الشكمان مكتوم جداً ..

والموضوع غير مريح بالمرة ... ربنا يكرمك ايه الحل .. واحد صاحبي قالي الاسبراتير عاوز يتظبط تقريباً علشان كده العربية مأخرة كهربا طيب بالنسبة للكتمة ينطبق عليها الحل ده كمان ولا ايه .. ؟ شكراً مقدماً

رد: مشكلة مش لذيذة في 127 توب ايطالي .. حصلت النهاردة معايا
 

لو العربيه بتدو و هي بارده و لما تسخن منش بتدور يبقي دا عيب مارش
انما لو مكتومه ممكن يكون ابلاتين او كوندنسر

رد: مشكلة مش لذيذة في 127 توب ايطالي .. حصلت النهاردة معايا
 

ولله يا باشا والحمدلله .. العربية كانت بدور وهي سخنة وهي باردة عاادي جداً لغاية لما ركنت وبعديها فجأة حصل ده .. ومن ساعتها حتجن .. وزي ماحكيت الموضوع حصل بالتدريج كده .. الاول فصلت ومش عاوزة تدور ولما اتزقت متر رين دارت عادي بس الصوت مكتوم .. !

رد: مشكلة مش لذيذة في 127 توب ايطالي .. حصلت النهاردة معايا
 

بص كتمان الشكمان ده يبقى بوجيهات انا عربيتى كانت بتعمل كدا لحد ما روحت نضفت الكربراتير و ركبت اكس وباب لانى كنت شاكه ان العيب فى البطاريه بس مطلعش من البطاريه وبرضو كانت لازم تدور بزقه و الشكمان يطلع هباب و مكتوم
متقلقش و متضايقش هتطلع حاجه بسيطه ان شاء الله