سير الكاتينه اتقطع و بهدل الدنيا
 

كنت اشتريت العربيه بتاعتي من شهر تقريبا و غيرت كل السيور بسيور اصليه
فوجئت من يومين بصوت غريب و زي تروس بتتكسر !!

كلمت الميكانيكي قاللي السير اتقطع و هنجرها للورشه نفك كل حاجه و نشوف فيه ايه

لما فك لقينا الاتي
السير طالع مفتول كده مش مقطوع يعني السمك بتاعه مقطوع نصين كده !!
البكره اللي تحت اللي متوصله بعمود الكرنك فيها صداده كده صاج الصاجه الصغيره دي متنيه لجوه كده
حساس الكرنك مكسور !

طبعا كل ده اتصلح ودينا الوش لمخرطه عمل صبابات جديده غيرت السير بسير ياباني مع ان الاول اصلي بتاع الشركه

انا عاوز حد يفيدني يقوللي ايه ممكن بكون السبب علشان الموضوع ميتكررش تاني كده

ناس بتقوللي العيب من السير مع انه اصلي و مكملش شهر يعني 4 الف كيلو
وناس بتقوللي ممكن الكمبروسيور فيه مشكله تقيل او حاجه فبيعمل حمل علي سير الكاتينه و يفتله كده
ناس قالتلي الحرق الجامد لاني بصراحه بحرق علي الغيارات شويه بس مش لدرجه ان سير الشركه ميكملش شهر يعني


انا مش عارف ايه السبب هل ممكن تفيدوني علشان الموضوع ميتكررش تاني

رد: سير الكاتينه اتقطع و بهدل الدنيا
 

قدر الله وماشاء فعل وربنا يعوض عليك يارب موضوع ان السير يتقطع بعد تغييره بفترة قصيرة ده انا بشوفه كتير وحصلت قبل كده فى عربيه كانت مغياراه فى التوكيل ويادوب وهو راجع فى السكه السير اتقطع
بيبقى وارد ان السير متخزن او فيه عيب صناعة ويمكن مع طريقه استخدامك والشد والحرق خلاه اتقطع
كمان خد بالك كتر غسل العربيه بمواد كميائيه مش كويسه زى انواع الصابون اللى بيستخدموه فى المغاسل ده وطبعا الجاز بيبوظ السيور بسرعه

رد: سير الكاتينه اتقطع و بهدل الدنيا
 

موضوع غريب شوية ...

ليه حساس الكرنك اتكسر ؟؟!! و اتكسر ازاى ؟؟!!! المفروض ان حساس الكرنك راكب على الحلة الخارجية للفتيس و بعيد شوية عن سير الكاتينة

حضرتك اشتريت سير الكاتينة بكام ؟

لو الكومبريسور تقيل .... يخلى سير التكييف يصفر و يتاكل .... مش سير الكاتينة
القرص على العربية مش كويس طبعا .... بس ميقطعش سير الكاتينة .. و خاصة انه جديد

اخبار بلية الشداد ايه ؟؟ دى لازم يتبص عليها

متابع باهتمام

رد: سير الكاتينه اتقطع و بهدل الدنيا
 

بليه الشداد جديده و الميكانيكي بص عليها قبل كده

هل ممكن زيت مضروب يكون السبب مثلا ؟

الفتره اللي فاتت كنت بجرب العربيه فكنت بدوس بنزين لاخر الدوسه و اخلي العربيه تجيب اخر الغيار و الار بي ام يوصل 6 علشان اشوف السرعه القصوي و حاله الموتور و كده بس معملتش كده كتير اوي يعني اربع او خمس مرات بالكتير هل ممكن يكون ده السبب ظ؟؟

الميكانيكي هيتجنن و بيقوللي اول مره يشوف كده

رد: سير الكاتينه اتقطع و بهدل الدنيا
 

حضرتك لم تجاوب على اسئلتى ...

كنت عاوز اعرف انت اشتريت سير الكاتينة بكام علشان نعرف من السعر ازا كان اصلى و لا لأ ... و ياريت لو تصوره
حضرتك تتنى السير بالعكس و تشوف ازا كان فيه شروح صغيرة و لا لأ

لز الزيت وحش ... يخلى الموتور يقفش او يبوظ الصبابات ... و قبلهم اويل سيل الصباب
انا شفت ناس كتير بتقرص على العربية اكتر من كدة ... و محصلهاش حاجة

تعود اصابع الاتهام الى بلية الشداد