مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   تأجير السيارات (https://www.masrmotors.com/vb/forumdisplay.php?f=92)
-   -   اهم خطوات يجب اتخاذها عند تأجير سيارة (https://www.masrmotors.com/vb/showthread.php?t=24647)

بدر بسيونى 25-04-2010 03:41 AM

اهم خطوات يجب اتخاذها عند تأجير سيارة
 
الكثير مننا بيحتاج فى وقت من الاوقات انه يأجر عربية لاى غرض ما والكثير منا بيخاف من الموضوع ده وبيتجنبه تجنبا للمشاكل وحبيت اتناقش معاكم فى اهم الخطوات التى يجب اتاخذها

اولا : اختيار مكان لتأجير لسيارت محترم وموثوق فيه ومشهور بنزاهته وامانته وذلك عن طريق استشاره الاصدقاء او المعراف

ثانيا :بد تحديد السيارة المطلوبة السؤال عن سعر تاجيرها فى اكثر من مكان لجشع بعض التجار وتجنبا للخداع وتحقيق افضل توفير

ثالثا :عند الاستقرار على نوع سيارة وتوفره واثناء الذهاب لامضاء العقد يجب اخذ صورة الرخصة والبطاقة الشخصية وتحديد هل عداد العربية مفتوح ولا لا ودى نقطة مهمة جدا ويجب تحديدها من البداية
وحيمضيك على وصل امانة بقيمة العربية (فى بعض التجار مابيعملوش كده على حسب علاقتك بيه) وماتنساش تاخد منه رخصة العربية المؤجرة والعقد استعدادا لوجود اى كمين ومنعا لوجع الدماغ مع المرور

رابعا :استلام العربية حاول ان تستلمها بالنهار وان لم يمكن ان يكون فى مكان ذو اضاءة قوية اتتمكن من فحص العربية اولا ابداء بفحص الصاج الخارجى كله والقف والاكصدمات والابواب وميز اى خدش او حكة او خبطة فى اى مكان فى العربية ولو بتنسى اكتبه فى ورقة او صوره من الموبيل وقول اللى بيسلمك عليه

وافحص زجاج السيارة الامامى والخلفى وزجاج الابواب الاربعة من اى شروخ او بدايه كسر او خدوش

ومن الداخل افحص السيارة من جوه التابلوه وهل فيه كسور والفرش مقطوع ولا لا ونظافته والموكيت بتاع الارضيات وهل فى دوسات ولا لا

دور العربية اسمع صوت الموتور كويس ولا لاوجرب الانوار والاشارات والتكييف والمرايات الجانبية وزجاجها وكمان اتاكد ان التابلوه مش مكسور ولامتثبت مؤتا وافحص حالة الكاوتش للفرد الاربعة هل فيهم بالونات وممسوحين ولا لاواتاكد من الاستبن والكوريك وافحص ضغطهم فى حالة استلامك السيارة واتحرك بالعربية وجرب العربية وفراملها والفشة وهل العربية بتحدف او بتعوم

اتاكد من الكاسيت او السى دى شغال قبل ماتتحرك قدام اللى بيسلمك وكمان اتاكد من حزام الامان انه شغا لوتمام

سوق العربية براحة فى الاول لحد ماتاخد عليها وتملكها وربنا يسلمك ويسلمنا جميعاومتاخرش العربيةفى الرجوع وسلمه العربية وخليه يتاكد من ان كل حاجة تمام


الكشفى 25-04-2010 12:26 PM

رد: اهم خطوات يجب اتخاذها عند تأجير سيارة
 
كمان اوعى تنسى وانت بتأجر العربية ترفع وشك لفوق وتدعى للى كتب الموضوع ربنا يجازيك خير

بدر بسيونى 25-04-2010 12:46 PM

رد: اهم خطوات يجب اتخاذها عند تأجير سيارة
 
اقتباس:

المشاركة الأصلية كتبت بواسطة الكشفى (المشاركة 170658)
كمان اوعى تنسى وانت بتأجر العربية ترفع وشك لفوق وتدعى للى كتب الموضوع ربنا يجازيك خير


شكرا وربنا يخليك وتعليق من احلى التعليقات التى كتبت بجد

Amr Diab 25-04-2010 03:02 PM

رد: اهم خطوات يجب اتخاذها عند تأجير سيارة
 
جزاك الله كل خير .. موضوع جميل جدا

dego_story 25-04-2010 04:10 PM

رد: اهم خطوات يجب اتخاذها عند تأجير سيارة
 
شكرا استاذ بدر بس دا يدل على عدم الثقة المتبادلة بين الناس دلوقتى بقى يخليك تفحص العربية اكنك هتشتريها ومش هترجعها تانى


الساعة الآن 01:32 PM.

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017