مصر موتورز مجتمع السيارات - استفسار بخصوص تخبيط فى عمود الكرنك و السبيكة

مصر موتورز مجتمع السيارات (https://www.masrmotors.com/vb/index.php)

- ميكانيكا السيارة (https://www.masrmotors.com/vb/forumdisplay.php?f=148)

- - استفسار بخصوص تخبيط فى عمود الكرنك و السبيكة (https://www.masrmotors.com/vb/showthread.php?t=78207)

استفسار بخصوص تخبيط فى عمود الكرنك و السبيكة

السلام عليكم جميعا
معايا سيارة شيرى A11 اتوماتيك مو 2005 و بعد ما اشتريتها غيرت زيت كاسترول ماجنتيك و فلتر زيت و بعديها وجدت انى لما بمشى بالعربية بتيجى عند اخر تجميع كل غيار بتعمل صوت من الموتور اشبه بالور يعنى الموتور بيور بس مش عالى اوى و مش مستمر و اسف فى اللفظ لكن هو كده فعلا و بتعمله لفترة و لما اشيل رجلى من البنزين بيروح و بيرجع تانى لما ادوس بنزين و تبتدى تجمع الغيار تانى و لما ذهبت لإكثر من ميكانيكى قالوا انه تخبيط فى الموتور من تحت فى السبيكة و هتحتاج عمرة و سالنى بتاكل زيت قلتله لأ خالص و فعلا انا دلوقتى مغير زيت و مشيت به اكثر من 1600 كيلو و لم ينخفض منسوب الزيت و لو ملليمتر واحد ما شاء الله و العربيه سحبها كويس جدا ما شاء الله و مش عارف هل ممكن يكون تخبيط فى الموتور من تحت فعلا و هل يظهر فجأة و هل لو فيه تخبيط فى السبيكة و الكرنك لا يؤثر فى منسوب الزيت خالص

رد: استفسار بخصوص تخبيط فى عمود الكرنك و السبيكة

طالما لمبة الزيت مبتنورش معاك والمكنه شغاله

يبقى كلام الميكانيكيه دول ( أى كلام )

والوره الوارده فى حوار حضرتك

ممكن أوى يكون مصدرها بلية الدبرياج

رد: استفسار بخصوص تخبيط فى عمود الكرنك و السبيكة

اقتباس:

المشاركة الأصلية كتبت بواسطة samirayad (المشاركة 603844)

هو فعلا لمبة الزيت بتنور على فترات مش على طول و هل الفتيس الاتوماتيك بيكون فيه بلية دبرياج

رد: استفسار بخصوص تخبيط فى عمود الكرنك و السبيكة

فى واحد صحبى أشترى عربية مستعمله راح فاكك موتورها ومظبطه شنبر وجوانات والحمدلله كان الكرنك سليم والسبيكة زى الفل ، المهم ظبط الموتور وقفله كويس وغسل الردياتير وظبط كاوتشه وعفشته وراح مشى بالعربية أسبوع يلين ويجرب العربية ع البطىء وبعدين راح هابد مشوار لحد راس سدر وحمدا لله على السلامة ومن ساعتها بقى عارف كل كبيرة وصغيرة ف العربية ماشية إزاى

واحد صحبى تانى بقى إشترى عربية مستعمله
اول يوم راح عند ميكانيكى لعب فى العربية ومقتنعش بيها
تانى يوم عند واحد تانى وتالت ....... ،،،،،، لقى نفسه قفلت من العربية وباعها بخسارة

لو هتقتنى العربية دى وضبها على مزاجك ، أحسن ما تبيع بالخسارة
تقبل مرورى

رد: استفسار بخصوص تخبيط فى عمود الكرنك و السبيكة

اقتباس:

المشاركة الأصلية كتبت بواسطة Hisham.Elgazzar (المشاركة 603878)

اشكرك اخى الغالى على نصيحتك و انا بالفعل لم أكن انوى البيع و لكن انا بسأل و بسفسر عن المشكلة اللى عندى لأنى مستغربها بس و جزاك الله خيرا على اهتمامك