مصر موتورز مجتمع السيارات - حصلت على قرار استبدال من جهاز حماية المستهلك و شركة ابو غالى رفضت التنفيذ

مصر موتورز مجتمع السيارات (https://www.masrmotors.com/vb/index.php)

- معلومة قانونية (https://www.masrmotors.com/vb/forumdisplay.php?f=238)

حصلت على قرار استبدال من جهاز حماية المستهلك و شركة ابو غالى رفضت التنفيذ

اشتريت سيارة انجلون توكيل ابو غالى ( توكيل هايما حالياً ) و حصلت على قرار من جهاز حماية المستهلك بناء على تقرير اللجنة الهندسية من جامعة عيم شمس - كلية الهندسة - قسم السيارات بإستبدال السيارة .

و لكن الشركة رفضت التنفيذ و الجهاز حول الموضوع للنيابة

سؤالى ايه الخطوة القادمة

و السؤال الثانى العربية فى الشركة من شهر 7 سنة 2012 و النهاردة احنا داخلين على شهر 2 2013 و انا لسه بدفع الأقساط و السيارة المفروض تجدد الرخصة 4 - 2013 المفروض اعمل ايه اجدد عربية حتستبدل و لا اوقف ادفع الأقساط

و بعدين مش المفروض اطلب تعويض من الشركة علشان الغش التجارى و العطلة و المشاوير للقاهرة و فرق اسعار السيارات ( العربيات زادت 10 الف جنية النهاردة)

مش عارف اعمل ايه

و شكراً ليكم مسبقاً

رد: حصلت على قرار استبدال من جهاز حماية المستهلك و شركة ابو غالى رفضت التنفيذ

لازم يكون معاك محامى لتحريك الدعوى القضائية وتابع مع جهاز حماية المستهلك اكيد هما عرفين كافة الخطوات وممكن يكون عندهم محاميين متخصصين فى مثل هذة النوعية من القضايا
وربنا يعوض عليك
انا كنت متابع موضوعك من زمان
وتقبل مرورى

رد: حصلت على قرار استبدال من جهاز حماية المستهلك و شركة ابو غالى رفضت التنفيذ

النيابة هتاخد الاجراء القانونى زى اى قضية الى ان يصدر حكم قضائى ملزم للتوكيل ومن حقك طبعاً تطالب بالتعويض

رد: حصلت على قرار استبدال من جهاز حماية المستهلك و شركة ابو غالى رفضت التنفيذ

للأسف حضرتك مضطر تدفع الاقساط المستحقه لأن علاقتك مع البنك علاقة شيكات مستحقه في تواريخ محدده وهي سند دين مستقل عن سبب وجوده مستحق الاداء بحلول التاريخ
ولك الحق الادعاء بالحق المدني في الدعوي الجنائيه والمطالبه بالتعويض المؤقت عن مالحقك من ضرر
ومن ثم المطالبه بالتعويض عن مالحقك من أضرار ماديه ومعناويه وتفويت الفرصه وذلك في دعوي مدنيه منفصله بعد صدور الحكم الخاص بالدعوي السابقه
وانا تحت امرك في استفسار اخر او إستشاره قانونيه

رد: حصلت على قرار استبدال من جهاز حماية المستهلك و شركة ابو غالى رفضت التنفيذ

شكراً لكل من قام بالرد على هذا التسأول
و لكن لو كان فى بلدنا توكيلات تحترم عملائها لما حدث ذلك
و المشكلة لو التوكيل ليه صاغ يلف ورائك لغاية مايأخده
و يقنعك ان العربية دى تاقص لها جناحين و تبقى طيارة
نفسى اعرف ازاى توكيل يسيب السيارة اللى هوا وكيل عنها و يأخذ توكيل ثانى و لم يمضى على هذا سنتان

و ازاى تسمح له الحكومة بتوكيل أخر و فيه مشاكل بينه و بين عملائة على عربيات باعها
وازاى الناس يتثق فى التوكيل تانى و هو مشحطط ناس ورائه