مصر موتورز مجتمع السيارات - ارجو المساعدة , عندى امتحان رخصة قيادة

مصر موتورز مجتمع السيارات (https://www.masrmotors.com/vb/index.php)

- المرور والشهر العقارى (https://www.masrmotors.com/vb/forumdisplay.php?f=89)

- - ارجو المساعدة , عندى امتحان رخصة قيادة (https://www.masrmotors.com/vb/showthread.php?t=85677)

ارجو المساعدة , عندى امتحان رخصة قيادة

السلام عليكم

ان شاء الله بكرة عندى امتحان المرور

وبصراحة كنت عاوز اعرف نصايحكم ايه

وناس بتقولى متقلقش من الشفوى كله بيعدى فيه

اهم حاجة العملى

انا الحمد لله بسوق بقالى مدة كبيرة ,, لكن مؤكد طبعاً الرجوع للخلف أصعب على سواق فى الدنيا من التقدم للأمام

ماعلينا من كل لكن انا بجد محتاج نصايحكم مع العلم انى رحت واتفرجت على الامتحان عملى وشفت له فيديوهات على النت كمان وكل حاجة بس قلقان جداً

هو فى علامات معينة عندها مثلاً الف الدركسيون للأخر يعنى ولا ايه بس ؟؟

مش عارف ايه الاحراج دى والله انا بسوق بقالى عمر ماتخطيت فى الموقف دا

ربنا يستر بقى

بالحق , انا عندى عربية ينفع ادخل عليها مع العلم انها متفيمة بالكامل + فى صورة على البربيز الخلف حاجة كدا صغيرة فى النص مش صورة بحجم البربيز كله يعنى
انا متعود ع التفييم وان شاء الله مش هيسبب لى مشكلة وغير كدا العربية باور يعنى هتساعدنى كتير غير اللادا بنت التيت بتاع المرور دى

تفكروا هيرضوا يدخلونى بالعربية بتاعى ( المتفيمة دى ) ؟؟

منتظر ردودكم

رد: ارجو المساعدة , عندى امتحان رخصة قيادة

اول ربنا يوافقك ان شاء الله وهتعدى
ولكن موضوع العربية المتفيمة دا :w6w200504112236376d
داحنا بنقول ياحيط درينا وننجح
نخش بالفمية امتحان مرور -دا ممكن على الاقل يسحبوا رخصة العربية -ويخلى تشيلة فى وقتها

الامتحان سهل بفضل الله واهم حاجة نعم التوكل على الله -الثقة العالية فى النفس
واحتمال يواقفك فى نصف الامتحان عشان يشوف العربية هتبطل والا اية

رد: ارجو المساعدة , عندى امتحان رخصة قيادة

ألف شكر ياباشا

امبارح كان يوم مخصص للمعاقين تقريباً ولذلك انا ان شاء الله هدخل يوم السبت او الحد وربنا يستر

رد: ارجو المساعدة , عندى امتحان رخصة قيادة

الامتحان بيختلف من مكان لمكان وربنا يسهل
بس الامتحان بيبقى على شاهين من بتوع المرور اللى بيعلموا عليهم
شوف شاهين واركب عليها قبل الامتحان بشويهسوقسوق

رد: ارجو المساعدة , عندى امتحان رخصة قيادة

للاسف مرور المحلة اللى فيه لادا فقط

طيب ياريت شاهين مكنتش شلت الهم كدا :(