مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   ستروين Citroën (https://www.masrmotors.com/vb/forumdisplay.php?f=18)
-   -   حراره السياره الستروين c5 (https://www.masrmotors.com/vb/showthread.php?t=146969)

Khaled.Suleiman 05-10-2016 11:53 PM

حراره السياره الستروين c5
 
السلام عليكم يا شباب
عندي سياره ستروين c5 موديل 2010
واجهتني مشكله في الحراره 3 مرات وبعتها يتعملها صيانه
وكان يعدي 10 ايام وترجع تاني ..
راكنها من فتره وبعدين دورتها ومشيت بيها فتره وكنت بريحها
دلوقتي بقا في زيت يدخل على المياه اللي في القربه
وطبعا الحراره مشكلتها زي ما هيا وتقريبا كمان مروحه التبريد وقفت :sd:

الموضوع دا له حل ولا لازم ماكينه جديده :sd:

AbOnOrA 06-10-2016 12:40 AM

رد: حراره السياره الستروين c5
 
ليه حلول متقلقش ومش محتاج مكنة جديدة المشكلة غالبا وصلت لوش السلندر طالما فيه مية فى الزيت وكدة بنغير جوان وش السلندر والوش نفسه بيبص عليه محتاج خرط ولا يتغير
لو استمرت مشكلة السخونة ممكن توصل لشرخ فى البلوك او تحتاج لعمرة كامة او تغيير الموتور فالمفروض السخونة تتعالج فى اسرع وقت لانها اخطر حاجة على العربية زى البنى ادم بالظبط

وزى البنى ادم بالظبط السخونة عرض مش مرض ولازم ليها سبب اما زى ما قولت عطل فى مروحة التبريد او مشكلة فى الريداتير او طرمبة المية والحاجات ديه لازم تتعالج والا حتى بعد ما نعمل وش السلندر ونظبط المكنة السخونة هتبوظة تانى ويمكن تبوظ جمبة حاجة تانية

اول حاجة تحل مشكلة المروحة ومتمشيش بالعربية وهى كدة خالص قدر الامكان بعدها لازم هتعمل الجوان ده وتتابع ظبط المكنة وحرارتها لما تتاكد ان مفيش سخونية تانى وهترجع العربية زى الاول ولا كان فيه حاجة ان شاء الله

بس خد بالك القصة ديه ممكن تصرف معاك الف واتنين على حسب المكان اللى هيغيرلك وش السلندر ويكشف على دورة المية وطبعا لازم بتغير زيوت وفلاتر

Khaled.Suleiman 17-10-2016 02:23 PM

رد: حراره السياره الستروين c5
 
هل ينفع اعملها بنفسي ؟؟ موضوع تغيير جوان وش السلندر دا ؟؟
ممكن اجيب عدة وجوان واركبه انا ولا تبقى صعبه ؟؟
يعني هل في فيديوهات ممكن تساعدني مثلا ؟؟
لاني انا مش في مصر اانا في السعوديه وحالتي المادية لا تسمح اني اوديها لميكانيكي لانهم سفاحين هنا

AbOnOrA 18-10-2016 08:06 AM

رد: حراره السياره الستروين c5
 
صعب بس مش مستحيل محتاج عدة ميكانيكا كاملة علشان تفك الموتور ومحتاج الوش يروح المخرطة يتنظف ومحتاج الجوان طبعا ومحتاج بعدها تغير الزيت والمية والفلاتر وقبلهم المروحة تبقى مصلحها وتسيب العربية دايرة لما تتاكد انها مبتسخنش وترجع تغير المية مرتين تلاته لحد ما اثار الزيت تختفى من دورة المية


الساعة الآن 07:39 PM.

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017