|
مشكلة ظهرت بعد تغيير إسطوانة وديسك الدبرياج
السلام عليكم ورحمة الله وبركاته
أعزائى أعضاء المنتدى بالأمس ذهبت للميكانيكى لتغيير أسطوانة وديسك وبلية الدبرياج وكوبلن وزيت وفلتر للسيارة (فيات 128 مو 87) واشتريت ديسك وأسطوانة مكتوب عليهم Made in Italy (والله أعلم بالحقيقة) الديسك كان بــ 120 جنية والأسطوانة بــ 80 جنية المهم وأنا بستلم منه السيارة الميكانيكى قالى هيبقى فيها رجة شديدة لغاية ما الأسطوانة والديسك يطبعوا على بعض (فترة كدة يعنى) المهم السيارة بالفعل فيها رجة (رعشة) شديدة جدا أثناء بدء التحرك وعند إعطاء غيار لكن الرجة تختفى بمجرد أن أضغط بنزين وتأخذ السيارة سرعتها لكنها تظهر عند إعطاء غيار جديد لكن السيارة أصبحت أقوى والسحب أفضل بكثير والتجميع أسرع وأفضل بكثير من ذى قبل (يعنى حسيت أن السيارة بقت زى الأسد أو الحصان) لكن كل ما يسبب لى القلق هذة الرجة الشديدة >>> فهل أخطأ الميكانيكى فى تركيب أحد هذة الأشياء (يعنى هل هناك جزء تم تركيبة بشكل غير مضبوط) هل يجب أن أذهب لميكانيكى آخر ليراجع السيارة؟ أم أنه بالفعل تكون هذة الرجة بعد تركيب الديسك والأسطوانة ثم تختفى؟ وكم ستستمر الفترة التى ستظهر فيها الرجة؟ وكيف أتعامل مع السيارة (أثناء الضغط على الدبرياج والبنزين) فى الفترة التى تعقب تغيير الديسك والأسطوانة؟ أسف للإطالة |
رد: مشكلة ظهرت بعد تغيير إسطوانة وديسك الدبرياج
مفيش حاجو من الي قالك عليها الميكانيكي بتحصل بعد تغيير الديسك او الاسطوانة
بالعكس العربية بترجع جديدة ومفيش رج ولا اي حاجة ده شكله مركب حاجة غلط يأما مركب ليك دسك بايظ روح لميكانيكي تاني خليه يظبطلك الامور ويشوف الميكانيكي القديم ده عملك ايه بالظبط معلش حظك كده مبقاش فيه ضمير وبعدين انتا ازاي متفكرش يعني انتا مغير ديسك واسطوانة هيبقي الزاي في العربية رعشة او رجه امل انتا بتغيرهم ليه |
رد: مشكلة ظهرت بعد تغيير إسطوانة وديسك الدبرياج
الفولام كان مريج و الاسطوانة لسة بتطبع عليه
و الله أعلم في رعاية الله |
رد: مشكلة ظهرت بعد تغيير إسطوانة وديسك الدبرياج
تصدق احنا لسة مغيرين اسطوانة و ديسك لعربية الشغل عندنا و فيها بالظبط الي انت بتحكيه و برضه محتارين هي بتطبع و الا اتضحك علينا
|
رد: مشكلة ظهرت بعد تغيير إسطوانة وديسك الدبرياج
انا حصل معاياالكلام ده العربية بتكون عفية وبتامرك فى الغيار الاولانى وبعد بترجع عادى لما الديسك والاسطوانة يطبعوا على بعض
|
رد: مشكلة ظهرت بعد تغيير إسطوانة وديسك الدبرياج
الرجة عادية فعلا
والمفروض تنتهى بعد فترة لكن الرجة بتكون فى الطلعة فقط ( الأول ) مش كل النقلات و ممكن تكون بسبب اسطوانة ملووحه ( مثنيه بميل ) و دى مش هاتضيع منها الرجة و الله الموفق ‘ |
رد: مشكلة ظهرت بعد تغيير إسطوانة وديسك الدبرياج
بص انا هاؤلك على تحليل منطقى
اما الميكانيكى بيركب الاسطوانة لازم يركبها بعامود دركت بيسموة كدة يعنى بيثبت الاسطوانة على الفلام ومن فوقها الدسك وعشان يضمن تمركز اسطوانة الدبرياج بيجيب نص عامود دركت اكن الفتيس هو اللى راكب وكل دة عشان يضمن 100% ان الاسطوانة على مركز عامود الدركت بتاع الفتيس لكن كل فتيس ولة مقاس عامود معين وبتاع ال128 مش موجود عندة فركب بدون العامود دة فبيحصل ان الاسطوانة ما بتكنش فى المحور تماما تاخد فترة قصيرة للغاية وتاخد مكنها الطبيعى والامور ترجع لمجاريها لكن لو زادت الفترة يبقى الدسك دة بايظ ولازم ترجعة لبتاع قطع الغيار لان من سعرة اللى تفضلت وقلت علية مش ايطالى ابدا |
| الساعة الآن 06:42 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017