مصر موتورز مجتمع السيارات - استفسار من فضلكم لشراء سيارة

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

- - استفسار من فضلكم لشراء سيارة (https://www.masrmotors.com/vb/showthread.php?t=128948)

استفسار من فضلكم لشراء سيارة

السلام عليكم
معلش ممكن مساعدة
انا معايا 50000 جنيه وعايز اشترى عربية يا ترى اشترى عربية مستعملة كويسة ولا فى جديد بالسعر ده ولو مستعمل ممكن اجيب عربية نوعها ايه

مع العلم انى محتاج سيارة حالتها كويسة تستحمل يوميا 100 كيلو

ياريت تفيدونى

وشكرا

رد: استفسار من فضلكم لشراء سيارة

وعليكم السلام ورحمة الله وبركاتة

اهلا ومرحبا بك معنا

نصيحتى لك الابتعاد عن المستعمل لان اعطالة كتير واحيانا تكون بشكل مفاجئ !
انا شخصيا تعبت جدا جدا على مدار سنوات من المستعمل
بالرغم من انى كنت اشترى مستعمل حالتة نظيفة واهتم بالصيانة
لم اشعر بالراحة يوما الا بعدما اشتريت جديد

لذلك انصحك بالجديد
والمبلغ الذى معك بالفعل يمكنك من سيارة جديدة
لكن نوعيات السيارات يمكن باقى الزملاء افادتك اكثر منى فى المناسب لك بهذا السعر

وتقبل تحياتى

رد: استفسار من فضلكم لشراء سيارة

المبلغ ده (50000) ممكن يجيب حاجات كتيييييييييييير مستعمل بس لو ناوى على الجديد للأسف مش هتلاقى غير ماروتى و عربية اسمها تشانجان مينى, حتى اللادا بقت بـ 56000 و منصحكش تجيبها زيرو
و فى نفس الوقت أوعى تدفعهم مقدم و تقسط الباقى
حرام + هتدفع ثمن العربية مرة و نص + هتتبهدل فى الأقساط و الترخيص و الصيانات اللى لازم تكون فى التوكيل بمبلغ و قدرة (و ده كله مع الجديد)

المستعمل برضه ليه مساوئ كتير, و السوق بقى مليان عربيات حالتها زفت و بتتباع بالغش على انها فابريكا
حاول تشوف حاجه (كسر زيرو) من حد ثقه: واحد قريبك أو جارك أو صديق .... حاجه استعمال بيت مش تجارة و صاحبها محافظ عليها

أعانك الله