نبيل الميكانيكي ولا مركز الهندسية؟
 

لو سمحتم انا محتار وعاوز حد يساعدنى

انا كنت عملت عمرة للعربية بس للاسف طلع الميكانيكي بتاع اشتغالات والعربية الان والوضع الحالى فيها صوت ترزيع عالله متكون السبيكة اتلسعت وبصيت من تحت العربية لقيت الزيت الموتور عمال بينزل وحد قالى ان دة الجوان بتاع الكرتيرة ونزلت فعلا تحت العربية لقيت زيت عمال ينزل بس من وضعى على الارض مش قادر احدد منين الزيت دة عمال ينزل

ناس قالتلى ان فية واحد اسمة نبيل الميكانيكي كويس جدا بالمعادى

وانا محتار اجازف واسال عن الميكانيكي دة مكانة فين بالمعادى واروحلة ولا اروح لمركز الهندسية لصيانة تويوتا الى بصقر ؟ بس انا الصراحة خايف اتدبس بملبغ ضخم اكتر من الفلوس الى عمالة تتصرف على العربية وهيا برضة مكرهانى بعيشتى

عربيتي تويوتا سيليكا الخليجي موديل 84 والموتور 21r

ياريت حد يدلنى اعمل اية ولا اروح فين

العربية الان لازم علشان امشيها اشتريلها زيت التعاون 4لتر 54جنية علشان اقدر اروح بيها اى مشوار او اقطرها ودة هيكلفى اكتر

اسف للاطالة بس اتمنى حد يدلني ويريحني