ماحستيش فيوم ان عربيه حيه ؟
 

رد: ماحستيش فيوم ان عربيه حيه ؟
 

اكيد طبعا حسيت بنفس الحاجات دي
انا مثلا لما اكون مستعجل و ورايا حاجه مهمه الاقي العربية فايقة كده و بتستجيب لكل رغباتي
و احيانا اخري اكون مستعجل و بجري بس بدون سبب وجيه تلاق العربية مكتومه و مش مساعداك كانها بتقولي انت هتتعبني علي الفاضي ليه

رد: ماحستيش فيوم ان عربيه حيه ؟
 

ههههههههههههههههههههههههه ه

موضوع جميل والله انا كان ايام ال 128 الله يرحمها قبل ما نعرف طريق الهيوانداي كنت بتروق منها كل ترويقه والتانيه زي الفل

كنت حاسس انها بتعاندني وبتقولي انتا عايز كذا طب انا هعمل العكس ربنا يسامحها من عنده

رد: ماحستيش فيوم ان عربيه حيه ؟
 

سقت عربيات كتير و امتلكت عربيات كتير هنا في الخليج بس بجد اللي كانت بتحس بيا هي 132 بتاعت والدي و ليها موقف معايا كتير اوي ايام الكلية و اول خروجة ليا مع المدام ايام الخطوبة جيت ادورها راحت موش راضية روحت موطي عليها و موشوشا و قلت لها اوعي تكسفيني ساعتها دارت و كنا في زفه اخوه المدام و العربية يومها عملت معايا احلي شغل و مواقف كتير جدااا جداااااااا يالا ايامها بجد متتنسيش يالا ايام

رد: ماحستيش فيوم ان عربيه حيه ؟
 

انا كتير اوي بحس بالموضوع دا
و اكتر مرتين حسيت بالعربيه
اخر مره ركبت ال 125 اللي كانت معايا قبل ما اسافر الامارات
الكلام دا كنت في 2004 و اخر يوم لقيت العربيه فايقه اوي
زي ما تقول بتحاول تسعدني قبل ما اسافر
و رغم ان العربيه دي كان عندنا غيرها مش هي بس
لكن كنت بحبها اوي و مش ببخل عليها بحاجه
لدرجه ان خلاص و انا مروح البيت جالي احساس ان دي اخر مره حركبها في حياتي
رغم انها كانت معنا من 17 سنه و بقيت ماشي اخر الخطوات بالراحه
و وقفتها و بدات المس التابلوه و السقف و قد وضعت قبله علي الدركسيون
و قبل ان اغطيها قد وضعت قبله اخري علي الكابود و القيت عليها نظره الوداع
و ما توقعته قد حدث فبعد سفري بعده اشهر قد تم بيعها.
..........
موقف اخر كان مع السويفت
قبل ان ابيعها قد امتلكت اللانسر و عارض السويفت للبيع
و كان كل يوم انزل الاقي فيها حاجه بايظه
مره فانوس يتكسر لوحده
الاقي مروحه الدرياتير اشتغلت لوحدها
دراع المساحات اتكسر من اخويا كان واخدها مشوار يوم ما اشتريت!!!!
لدرجه اني فضلت ابيعها بخساره خوفا علي اموالي من تلفياتها الغير طبيعيه هههههه