|
رد: اخر اسعار قطع غيار الرينو 19 والرينبو
اما الفانوس الامامى التركى ب 150 جنية والاستيراد افضلهم ب بحوالى 150 الى 180 انت وشاطرتك فى الفصال :HAPPY_~211:
|
رد: اخر اسعار قطع غيار الرينو 19 والرينبو
انا لسة سآل على المرايات النهاردة الاستيراد عامل فى حدود 160 جنية والجديدة من 120 الى 150 انواع منها والغريب بقا ان الجديد بتاعها كلو ما بيتقافلش وطبعاا اى خبطة فيها بتتكسر على طول مش زى الاصلى
والفانوس الخلفى عامل 120 التركى اما الاستيراد عامل 150 الاسعار دى ممكن تختلف من احد الى اخر ptmnlo123per122 |
رد: اخر اسعار قطع غيار الرينو 19 والرينبو
شباب الرينو الجامدين
دى اول مشاركة ليا فى المنتدى بس انا بادى بحاجة غلسة شوية انا معايع رينو 19 شمادا 1400 سي سي الفرنساوى موتورها باظ و هاغيره الاقى فين موتور شمادا 1400 وسعرة كام تقريبا ولا تنصحونى اجيب قطع الغيار الاصلية واعملها عمرة ارجومن الشباب سرعة الرد |
رد: اخر اسعار قطع غيار الرينو 19 والرينبو
اهلا بيك يا ميدو فى المنتدى اولا
ثانيا الف سلامة على العربية ثالثا الموتور اية الى بايظ فية على لانها لو عمرة فقط نصيحتى انك تعملة عمرة للموتور افضل من تغيرة وتدخل فى حوارات فى المرور وتشيل المكنة وتسقط مكنة وانت اديك عارف الموتور بتاعك الى فية والى علية اما لاقدر الله لو الموتور فية اصابة او شرخ او كسر بعد الشر عن السامعين بكدا ممكن تغيرة اما عن الاماكن الى ممكن تلاقى فيها قطع الغيار الجديدة .. فى التوفيقية موجودة كتير والحرفيين . وفية فى عمارات صقر قريش على الاوتوستراد فية مربع بتاع رينو بس وفية بتاع 5 محلات فيها استعمال وجديد |
رد: اخر اسعار قطع غيار الرينو 19 والرينبو
الف شكر يا محمد على الرد
وهى للاسف اتكسر فيهى السبايك وفردة بي ال (اللى انا مش عارف ايه هى) واو عمرة هتحتاج طقم بساتن و صبابات و فردة بي ال وجوانات والموتور يتفور فغالبا هاشترى موتور استيراد وربنا يعترنا فى حاجة كويسة وشكرا على الاماكن افدتنى جدا |
| الساعة الآن 09:12 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017