عربيتى الفيرنا اتخبطت
 

معلشى هتعبكوا معايا انا انهرضة عربيتى اتخبطت بعربية كارو بحصان للاسف الحصان دخل فى العربية جامد واللى مضايقنى ان الراجل هو اللى شد الحصان نحيت العربية و العتبة اتخبطت جامد حوالى 15 سم ودخلة لجوة شوية مش عرفة جت ازاى , و جرحلى المراية بتاعت السواق كلها وفيها مكان داخل لجوة حوالى 1 سم وللاسف وش الحصان دخل من عند شباك الباب بتاع السواق , و خبط الجهة المقابلة للقايم من جوة اللى ما بين سقف السيارة و الباب بيبقى فية جزء حديد كدة عمل خبطتين فيه كل واحدة حوالى 1 سم ودخلة لجوة انا للاسف اعصابى تعبانة لانى كمان مخدش حقى من الراجل اللى كان راكب الكارو ولا حتى قدرت اقول كلمة للراجل كان قاصد يجيب الكارو على العربية و قعد يضحك انا محروء دمى جدا ياريت تقولولى اصلح الحاجات دى ازاى انا عربيتى لسة جديدة موديل 2012 عشان نويت ان شاء الله اصلح كل الخبطات

رد: عربيتى الفيرنا اتخبطت
 

رد: عربيتى الفيرنا اتخبطت
 

هو حضرتك مأمنه علي العربيه

رد: عربيتى الفيرنا اتخبطت
 

انا من المهندسين فا ياريت لو حد يعرف مكان قريب من المهندسين والاصلاحات دى هتتكلف قد اية انا كمان للاسف مش مأمنة على العربية وهل مكان القايم دة ممكن يتصلح لانة للاسف الخبطة غربية جدا دى كسرها خالص وشال الدهان منها وهل دة لو اتصلح هيفضل عيب فى العربية .. معلشى طولت عليكو فى الاسئلة

رد: عربيتى الفيرنا اتخبطت
 

حمد علي سلامتك اولا وقدر الله وماشاء فعل وثانيا عليكي وعلي الحرفيين عشان تاخدي شغل مظبوط والخبطه اللي ف القايم لو من بره مش مشكله خالص تترش لكن لو القايم نفسه من جوه مخبوط جامد هنا دي هتبقي المشكله بصي هو لو القايم فيه نقرتين صغيرين انا شايف انك تسيبيهم عشان غلط انه يترش لكن لو القايم متبهدل قووي ولازم يستعدل يبقي لازم سمكري شاطر هو اللي يقرر وياريت يبقي فيه صور عشان نفيدك اكتر