اوبل كورسا 2004
لو سمحتوا كنت عايز اعرف معلومات عن الاوبل كورسا عشان فى ناس بتخوفنى منها . ياريت اعرف ايه عيوبها ومشكلها و ايه تقيم العربيه من ملكها وايه اخبار اسعار قطع الغيار
|
رد: اوبل كورسا 2004
هيا حلوة بس مش اد كدة لانها برازيلي
هات مكانها فيكترا بي 2000 1600 مانيوال |
رد: اوبل كورسا 2004
العربية جميلة جدا جدا جدا أنا راكبها بقالى سنه و مفيهاش غير مشكلة واحدة بس إن مفيش منها فتيس أوتوماتيك لكن ما شاء الله تكيفها أحسن تكيف فى عربيات الألمانى كلها مش الأوبل بس لأنه مصمم زى العربيات الكورى و السحب بتعها جميل جدا و سريعة جدا و عزمها كمان حلو أنا شايف أنك لو بتفكر فيها اتكل على الله بس هات واحدة تكون حالتها حلوة و أنا من قبل العربية ديه كان معايا أوبل كورسا هاتشباك كانت جميلة جدا و أحلى كمان من ديه بس ماتورها 1000 سى سى فالتكييف مش موجود تقريبا الأوبشن موجود بس مش موجود
صدقنى الأوبل السيدان دى جميلة و أحسن بكتير من الانوس و الفيرنا و الحاجات التعبانة دى + أنها مفيهاش مشكلة الكمبيوتر اللى كل شوية يعطل فى الاسترا و لو حضرتك احتجت تستفسر عن حاجة تانى أنا فى الخدمة |
رد: اوبل كورسا 2004
اقتباس:
|
رد: اوبل كورسا 2004
هي ممتازة بصراحة سحب مفيش زي كدا ثبات بعد ال 160 كأني ماشي 80 فرامل ممتازة ذكاء صناعي فظيع شغل المان بقي
عيبها الوحيد وان كنت اعتقد انه مش عيب هو قطع غيارها غالية وانا بعتبره مش عيب لانك راكب عربية الماني والحاجة اللي بتجيبها مش بتجبها تاني |
الساعة الآن 10:25 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017