رد: ايمجراند .....خدعه جديده من غبور
 

انا موافقك على الكلام ده والصراحة انا السيارة الوحيده الصينى الى متقبلها هى ام 11 وام 12

مع شوايه مراعة ربنا فى التقفيل هتكون عربيه ممتازه
وانا افتكر زمان ان غبور نزل بعربيه باع منها 150 عربيه شكل الستروين اكسترا بس على صغير وماصحبها بيعيطوا دلوقتى :cry2W9:

بس هو بينزلها بديل الفيرنا الى هيتوقف انتاجها فى 2014 وانت عارف ان موديلات الهيونداى غاليه مش هيقدر يجمع سيارة فى مصر وتجيب نفس سعر الفيرنا من الموديلات الجديدة :pod_of_gold:

رد: ايمجراند .....خدعه جديده من غبور
 

هوا فعلا توكيل غبور دا توكيل سئ واللي عايز يتاكد يتفرج على عربيات هيونداي اللي بره مصر ويتفرج على عربيات هيونداي جوه مصر وهوا يعرف الفرق
ومعروف ان من هوايات سي غبور انه يشيل في الكماليات

رد: ايمجراند .....خدعه جديده من غبور
 

اللي عايز يتكلم عن غبور انا ممكن اشجيله اشعار
و اللا بلاش - تصفحوا بس في اي موضوع في هيونداي في المنتدى و يتم ذكر التوكيل فيه
خلص الكلام
و كفاية الفيرنا اللي اتوقفت في العالم كله سنة 2004 و فاضل يجمعها في مصر زي ال 128 لحد دلوقتي و بيبيعها ب 70 الف و 82 الف للاوتو و من غير حتى فرامل عدله!!! اعرف ناس كتير غيروا فرامل الفيرنا بالنترا علشان العربية تعرف تقف عدل
غير الخامات بتاعة الصالون الرخيصة كيك
غير الكاوتش النسر اللي ابتدى يحطه في بعض الدفعات!!!
مش عارف اقول ايه

و على فكرة مش معنى ان غبور حيبقى وكيل السيارة انها حتبقى ناجحة
لان الاي 10 لحد دلوقتي طلمبة البنزين بتاعتها ب 800 جنيه!!! بينما طلمبة الفيرنا ب 100 جنيه برا التوكيل
العملية ان قطع الغيار بترخص مش علشان غبور كويس لأ علشان المستوردين الكبار لقطع الغيار بيستوردوا شحنات لحسابهم و دا اللي بينزل سعرها
لكن انا فاكر من 4 سنين لما كانت قطعة الغيار في غبور ب 500 جنيه و بره هيا هيا ب 80 جنيه!!!

و اهي اسمها تجارة و مفيش حد للمكسب
بس الاحتكار حرام على فكرة

رد: ايمجراند .....خدعه جديده من غبور
 

عربيه فعلا مجربتش بس غبور منزل كميه دعايه ليها وهي ديه سياسه غبور بيحلي بضاعته بس اعتقد هتبقي في مستوي الاسبرنزا او اقل كمان

رد: ايمجراند .....خدعه جديده من غبور
 

التقفيل في عيوب
الفواصل بين الاكصدمات والعتب الفيبر مع البيبان
مكان اللحمات الي بنقول عليها بالبلدي ( الزنب ) معجبتنيش
الكاوتش ماركه غريبه
مش متركب دلايات وماادراك الطين ايام الشتاء